అఫ్గానిస్థాన్.. ఇప్పుడు ఈ పేరు చెబితే చాలు తాలిబన్ల ఆకృత్యాలు, వారి నరమేధం మన కళ్ల ముందు కదలాడుతోంది. తాలిబన్ల ఆక్రమణతో ఆ దేశంలో చాలా రంగాలు తీవ్రంగా ప్రభావితమవుతున్నాయి. అందులో క్రీడారంగం కూడా ఒకటి. దీంతో టీ20 ప్రపంచకప్లో అఫ్గాన్ జట్టు ఆడుతుందా? లేదా? అనేది ప్రశ్నార్ధకంగా మారింది. అనూహ్యంగా తాలిబన్లు క్రికెట్కు మద్దతు ప్రకటించారు. దీంతో యూఏఈ వేదికగా జరిగే టీ20 ప్రపంచకప్కు ముందు ఆ జట్టు పాల్గొనేది స్పష్టమైంది.
అఫ్గానిస్థాన్ క్రికెట్ వర్గాలతో సమావేశమైన తాలిబన్ నాయకుడు అనీస్ హక్కానీ.. వారికి భరోసా కల్పించినట్లు తెలుస్తోంది. ఈ సమావేశంలో అఫ్గాన్ కెప్టెన్ హష్మతుల్లా షాహిది, క్రికెట్ బోర్డు మాజీ అధికారులు నూర్ అలీ జద్రాన్, అసదుల్లా పాల్గొన్నారు. ఎటువంటి భయాందోళనలకు గురి కావాల్సిన అవసరం లేదని, ధైర్యంగా క్రికెట్ ఆడండి అని వాళ్లు చెప్పినట్లు సమాచారం.
ఇదీ చదవండి: ద్రవిడ్ ఎన్సీఏలో కోచ్లకు 'కొత్త పాఠాలు'
