సాధారణంగా సెలబ్రిటీలకు కుటుంబ సభ్యులతో లేదా స్నేహితులతో ఎంజాయ్ చేసే సమయం కాస్త తక్కువగా ఉంటుంది. అందుకే విరామ సమయం దొరికితే ఏ మాత్రం ఆలస్యం చేయకుండా తమకిష్టమైన పనులు చేస్తూ ఫ్యామిలీ లేదా ఫ్రెండ్స్తో సరదాగా గడిపేస్తుంటారు. అలాంటి వారిలో దిగ్గజ క్రికెటర్ సచిన్ తెందుల్కర్ ఒకరు.
ఆయన తాజాగా తన కుమారుడు అర్జున్తో కలిసి గోవా బీచ్కు వెళ్లిన అక్కడి వాతావరణాన్ని ఆస్వాదిస్తున్నారు. ఈ క్రమంలో ఆ బీచ్‌లోని మత్య్సకారులతో కలిసి కాసేపు సరదాగా ముచ్చటించారు. చేపలు పట్టే విధానంపై మెళుకువలు అడిగి తెలుసుకున్నారు. అలాగే.. సముద్రం నుంచి మత్స్యకారుల బోటును ఒడ్డుకు లాగేందుకు వారికి సాయం చేశారు. అనంతరం బీచ్ ఒడ్డున ఉన్న ఓ రెస్టారెంట్‌లో చేపలను ఫ్రై చేయించుకుని కుమారుడితో కలిసి తింటూ ఎంజాయ్ చేశారు. ఇందుకు సంబంధించిన వీడియోను మాస్టర్ తన ఇన్స్టాలో పోస్టు చేశారు. ఈ వీడియో చూసిన నెటిజన్లు సచిన్ సింప్లిసిటీని మెచ్చుకుంటూ కామెంట్లు పెడుతున్నారు.
- " class="align-text-top noRightClick twitterSection" data="
">
ఇదీ చూడండి: ఇదా.. హార్దిక్ పాండ్య ఫిట్నెస్ మంత్ర?
