కన్ఫ్యూజైన రోహిత్- పాపం కుల్​దీప్​ను మర్చిపోయాడుగా

Rohit Sharma Confusion Playing 11: టీమ్ఇండియా కెప్టెన్ రోహిత్ శర్మ అఫ్గాన్​తో తొలి మ్యాచ్​లో కన్ఫ్యూజన్​కు గురయ్యాడు. టాస్ తర్వాత బెంచ్​కు పరిమితమైన ప్లేయర్ల లిస్ట్ చెప్పే క్రమంలో నవ్వులు పూయించాడు.

Rohit Sharma Confusion Playing 11: మూడు టీ20ల సిరీస్​లో భాగంగా భారత్- అఫ్గానిస్థాన్ మధ్య తొలి టీ20 మ్యాచ్ ప్రారంభమైంది. ఈ మ్యాచ్​కు మొహాలీ బింద్రా స్టేడియం వేదికైంది. టాస్ నెగ్గిన టీమ్ఇండియా కెప్టెన్ రోహిత్ శర్మ అఫ్గానిస్థాన్​ను బ్యాటింగ్​కు ఆహ్వానించాడు. అయితే టాస్ తర్వాత కామెంటేటర్ మురళీ కార్తిక్- రోహిత్ మధ్య ఓ సరదా సన్నివేశం జరిగింది.

టాస్ పూర్తైన తర్వాత ప్లేయింగ్ 11 గురించి చెప్పే క్రమంలో రోహత్ కాస్త కన్ఫ్యూజన్​కు గురయ్యాడు. ఈ మ్యాచ్​లో బెంచ్​కు పరిమితమైన ప్లేయర్ల గురించి కామెంటేటర్ మురళీ కార్తిక్ అడిగాడు. దానికి రోహిత్ సంజూ శాంసన్, ఆవేశ్ ఖాన్, యశస్వి జైశ్వాల్ అని ముగ్గురి పేర్లు చెప్పి, నాలుగో ప్లేవర్ ఎవరా అని నవ్వుతూ ఆలోచిస్తూ 'నీకు అల్రెడీ చెప్పాను కదా' అని అన్నాడు. అయితే నాలుగో ప్లేయర్ కుల్​దీప్ యాదవ్​ అని మురళీ కార్తిక్ గుర్తు చేయాగా, లేదు అతడు ఆడుతున్నాడంటూ రోహిత్ కన్ఫ్యూజ్ అయ్యాడు. మళ్లీ వెంటనే 'హా కుల్​దీప్ ఆడట్లేదు' అని స్పష్టం చేశాడు. రోహిత్ ఇలా కన్ఫ్యూజ్ అవ్వడం నవ్వులు పూయించింది. ప్రస్తుతం ఈ వీడియో సోషల్ మీడియాలో వైరల్​గా మారింది.

• Typical Rohit Sharma moment during the toss😂#RohitSharma𓃵 #INDvsAFG pic.twitter.com/ntWUjdWF4t

  — Quantum⁴⁵ Yadav (@45Quantum) January 11, 2024 " class="align-text-top noRightClick twitterSection" data="

  Typical Rohit Sharma moment during the toss😂#RohitSharma𓃵 #INDvsAFG pic.twitter.com/ntWUjdWF4t

  — Quantum⁴⁵ Yadav (@45Quantum) January 11, 2024

  ">

  Typical Rohit Sharma moment during the toss😂#RohitSharma𓃵 #INDvsAFG pic.twitter.com/ntWUjdWF4t

  — Quantum⁴⁵ Yadav (@45Quantum) January 11, 2024

ఆ రికార్డుకు చేరువలో: టీమ్ఇండియాకు టీ20ల్లో అత్యధిక విజయాలు అందించిన కెప్టెన్​గా నిలిచేందుకు రోహిత్ అతి దగ్గరలో ఉన్నాడు. ఈ లిస్ట్​లో మాజీ క్రికెటర్ ఎమ్​ఎస్ ధోనీ 41 విజయాలతో ముందు వరుసలో ఉన్నాడు. ధోనీ 2007 నుంచి 2016 దాకా టీమ్ఇండియాకు టీ20ల్లో కెప్టెన్​గా వ్యవహరించాడు. ఇక ప్రస్తుత కెప్టెన్ రోహిత్ 39 విజయాలతో రెండో ప్లేస్​లో కొనసాగుతున్నాడు.

టీమ్ఇండియాకు టీ20ల్లో అత్యధిక విజయాలు అందించిన కెప్టెన్​లు

• ధోనీ- 41 విజయాలు- 72 మ్యాచ్​లు
• రోహిత్ శర్మ- 39* విజయాలు- 51 మ్యాచ్​లు
• విరాట్ కోహ్లీ- 30 విజయాలు- 50 మ్యాచ్​లు

ప్రస్తుతం అఫ్గాన్​తో జరుగుతున్న టీ20 సిరీస్​ను రోహిత్ సేన 3-0తో క్లీన్​స్వీప్ చేస్తే, హిట్​మ్యాన్​ టాప్​లోకి దూసుకెళ్తాడు. భారత్​కు పొట్టి ఫార్మాట్​లో అత్యధిక విజయాలు (42) అందించిన కెప్టెన్​గా నిలుస్తాడు.