ఐపీఎల్లో(IPL 2021) మంగళవారం జరగనున్న తొలి మ్యాచ్లో దిల్లీ క్యాపిటల్స్, కోల్కతా నైట్రైడర్స్(DC Vs KKR) జట్లు తలపడనున్నాయి. పాయింట్ల పట్టికలో ఇప్పటికే రెండోస్థానంలో నిలిచిన దిల్లీ జట్టు.. ఈ మ్యాచ్లో కోల్కతాను ఓడించి ప్లేఆఫ్స్ బెర్తు(IPL Playoffs 2021) ఖరారు చేసుకోవాలని చూస్తోంది. మరోవైపు ఈ మ్యాచ్లో నెగ్గి ప్లేఆఫ్స్ ఆశలు సజీవం చేసుకోవాలని కోల్కతా సన్నద్ధమవుతోంది.
దిల్లీకి కలిసొచ్చే అంశం
కోల్కతా ఆల్రౌండర్ ఆండ్రూ రస్సెల్ గాయమైన(Andre Russell Injury) కారణంగా దిల్లీతో జరిగే మ్యాచ్లో అందుబాటులో ఉండకపోవచ్చు. ఇది దిల్లీ జట్టుకు కలిసొచ్చే అంశం. ప్రస్తుత సీజన్లో ట్రోఫీని నెగ్గాలనే లక్ష్యంతో పంత్ సేన.. అటు బ్యాటింగ్తో పాటు బౌలింగ్లోనూ దూకుడుగా ఆడుతోంది. ఇప్పటికే ఆ జట్టుకు ప్లేఆఫ్స్కు దాదాపుగా చేరుకోగా.. కోల్కతాపై విజయం సాధిస్తే బెర్తును ఖరారు చేసుకుంటుంది. గతేడాది ఫైనల్లో త్రుటిలో ట్రోఫీకి దూరమైన దిల్లీ టీమ్.. ఈ సీజన్లోనైనా కచ్చితంగా విజేతగా నిలవాలని భావిస్తోంది.
ప్లేఆఫ్స్ ఆశల్లో..
ఐపీఎల్లో ప్లేఆఫ్స్ ఆశలను సజీవం చేసుకోవాలని కోల్కతా నైట్రైడర్స్ సన్నద్ధమవుతోంది. గత మ్యాచ్ తాలూకా ఓటమి కారణాలను దృష్టిలో ఉంచుకొని వాటిని అధిగమించేందుకు కసరత్తులు చేస్తోంది. దిల్లీ జట్టు అటు బ్యాటింగ్తో పాటు బౌలింగ్లోనూ బలంగా ఉండడం వల్ల ఈ మ్యాచ్లో గెలుపు కోసం మోర్గాన్ సేన మరింత శ్రమించాల్సిన అవసరం ఉంది. బ్యాటింగ్ లైనప్లో ఓపెనర్లు శుభ్మన్ గిల్, వెంకటేశ్ అయ్యర్తో పాటు మిడిల్ ఆర్డర్లో కెప్టెన్ ఇయాన్ మోర్గాన్, దినేశ్ కార్తిక్, రాహుల్ త్రిపాఠి వంటి అద్భుతమైన బ్యాట్స్మెన్ ఉన్నారు. ఆల్రౌండర్ ఆండ్రూ రస్సెల్ మ్యాచ్కు దూరమైతే అతడి స్థానంలో ఎవర్ని ఎంపిక చేస్తారనే విషయమై ఆసక్తి నెలకొంది.
మ్యాచ్ సమయం..
ఐపీఎల్లో మంగళవారం జరగనున్న తొలి మ్యాచ్లో దిల్లీ క్యాపిటల్స్, కోల్కతా నైట్రైడర్స్ జట్లు తలపడనున్నాయి. షార్జా వేదికగా జరగనున్న ఈ మ్యాచ్ భారత కాలమానం ప్రకారం మధ్యాహ్నం 3.30 గంటలకు ప్రారంభం కానుంది.
తుదిజట్లు(అంచనా):
దిల్లీ క్యాపిటల్స్: పృథ్వీ షా, శిఖర్ ధావన్, శ్రేయస్ అయ్యర్, రిషభ్ పంత్(కెప్టెన్), లలిత్ యాదవ్, హెట్మెయర్, అక్షర్ పటేల్, రవిచంద్రన్ అశ్విన్, కగిసో రబాడ, ఎన్రిచ్ నోర్ట్జ్, ఆవేశ్ ఖాన్.
కోల్కతా నైట్రైడర్స్: శుభ్మన్ గిల్, వెంకటేశ్ అయ్యర్, రాహుల్ త్రిపాఠి, నితీశ్ రానా, ఇయాన్ మోర్గాన్ (కెప్టెన్), దినేశ్ కార్తీక్(వికెట్ కీపర్), ఆండ్రూ రసెల్, సునీల్ నరేన్, ఫెర్గూసన్, వరుణ్ చక్రవర్తి, ప్రసిధ్ కృష్ణ.
ఇదీ చూడండి.. IPL 2021: రాజస్థాన్పై సన్రైజర్స్ విక్టరీ
