IPL mega auction 2022 Mumbai indians: రెండో రోజు ఇండియన్ ప్రీమియర్ లీగ్ మెగా వేలం ఆసక్తికరంగా సాగింది. అయితే.. తొలిరోజు మెగావేలంలో నలుగురినే కొనుగోలు చేసిన ముంబయి ఇండియన్స్.. రెండో రోజు ఆఖర్లో దూకుడుగా వ్యవహరించింది.
వరుసగా విదేశీ ప్లేయర్లను దక్కించుకుంది. వీరికోసం పెద్ద మొత్తమే వెచ్చించింది.
టిమ్ డేవిడ్..
అంతర్జాతీయ టీ-20 టోర్నీల్లో ఇరగదీస్తున్న టిమ్ డేవిడ్ కోసం రూ. 8.25 కోట్లు వెచ్చించింది. ఇతడి టీ-20 స్ట్రైక్ రేట్ 159.39 కావడం విశేషం. బంతిని బలంగా బాదగల ఈ పొడగరి కచ్చితంగా టీమ్లో ఉండే అవకాశముంది.
జోఫ్రా ఆర్చర్..
ఇంగ్లాండ్ ఆల్రౌండర్ జోఫ్రా ఆర్చర్ను రూ. 8 కోట్ల భారీ ధరకు దక్కించుకుంది. అత్యంత వేగంగా బౌలింగ్ చేయగలగడం ఇతడి బలం. ఇంకా డెత్ ఓవర్లలో యార్కర్లతో బెంబేలెత్తిస్తాడు. ఇప్పటికే ఉన్న బుమ్రాకు ఇతడు తోడైతే ముంబయి బౌలింగ్ మరింత పదునెక్కనుంది.
డేనియల్ సామ్స్..
ఈ ఆస్ట్రేలియా ఆల్రౌండర్ను రూ. 2.60 కోట్లకు కొనుగోలు చేసింది. ఇతడు ఇటీవలి బిగ్ బాష్ లీగ్లో ఆకట్టుకున్నాడు.
టైమల్ మిల్స్..
ఇంగ్లాండ్ పేసర్ టైమల్ మిల్స్ను కూడా రూ. 1.50 లక్షలకు తమ వశంచేసుకుంది ముంబయి ఇండియన్స్.
అంతకుముందు హైదరాబాద్ రంజీ యువ ఆటగాడు, ఆల్రౌండర్ తిలక్వర్మను రూ.1.70 కోట్లు పెట్టి తీసుకుంది.
భారత పేసర్ జయ్దేవ్ ఉనద్కత్ కోసం రూ.1.30 కోట్లు వెచ్చించింది.
ఇదీ చూడండి: ఖలీల్, సకారియాకు, రాజ్ బవాకు సూపర్ రెస్పాన్స్- యశ్ ధుల్ ప్చ్..
