ఐపీఎల్ 13వ సీజన్ ఎంతో రసవత్తరంగా సాగుతూ ముగింపు దశకు చేరుకుంది. పరుగుల వరద పారించే బ్యాట్స్మెన్తో పాటు ఈసారి బౌలర్లు కూడా బాగానే ఆకట్టుకుంటున్నారు. కానీ కొందరు మాత్రం ధారాళంగా పరుగులిచ్చి చెత్త ఘనతల్ని మూటుగట్టుకున్నారు. అలాంటి బౌలర్లు ఎవరు? ఎన్నెన్ని పరుగులిచ్చారంటే?
సిద్ధార్థ్ కౌల్
సన్రైజర్స్ హైదరాబాద్ బౌలర్ సిద్ధార్థ్ కౌల్.. అక్టోబర్ 4న ముంబయి ఇండియన్స్తో మ్యాచ్లో నాలుగు ఓవర్లలో ఏకంగా 64 పరుగులు ఇచ్చాడు. ఈ మ్యాచ్లో రోహిత్సేన 34 పరుగులు తేడాతో అద్భుత విజయం సాధించింది.
అంకిత్ రాజ్పూత్
రాజస్థాన్ రాయల్స్ బౌలర్ అంకిత్ రాజ్పూత్.. అక్టోబర్ 25న ముంబయితో జరిగిన మ్యాచ్లో నాలుగు ఓవర్లలో 60 పరుగులు ఇచ్చాడు. అయితే ఈ మ్యాచ్లో శాంసన్, స్టోక్స్ అదిరిపోయే బ్యాటింగ్ చేయడం వల్ రాజస్థాన్నే విజయం వరించింది.
డేల్ స్టెయిన్
బెంగళూరు బౌలర్ డేల్ స్టెయిన్.. సెప్టెంబరు 24న పంజాబ్తో జరిగిన మ్యాచ్లో నాలుగు ఓవర్లు వేసి 57 పరుగులు ఇచ్చాడు. ఫలితంగా పంజాబ్ చేతిలో ఓటమిని చవిచూసింది ఆర్సీబీ.
క్రిస్ జోర్డాన్
కింగ్స్ ఎలెవన్ పంజాబ్ బౌలర్ క్రిస్ జోర్డాన్.. సెప్టెంబర్ 20న దిల్లీతో జరిగిన మ్యాచ్లో నాలుగు ఓవర్లలో 56 పరుగులు ఇచ్చాడు. ఈ మ్యాచ్ సూపర్ ఓవర్కు దారితీయగా.. అందులో దిల్లీనే విజయం సాధించింది.
లుంగి ఎంగిడి
చెన్నై సూపర్ కింగ్స్ బౌలర్ ఎంగిడి.. సెప్టెంబర్ 22న రాజస్థాన్తో మ్యాచ్లో నాలుగు ఓవర్లలో 56 పరుగులు ఇచ్చాడు. ఈ మ్యాచ్లో రాయల్స్.. 16 పరుగులు తేడాతో గెలుపును సొంతం చేసుకుంది.
ఇదీ జరిగింది డైరెక్టర్ల రాజీనామా.. దక్షిణాఫ్రికా బోర్డు రద్దు తప్పదా?
