India vs Bangladesh World Cup 2023 : కోహ్లీ విశ్వరూపం.. బంగ్లాను చిత్తు చేసిన టీమ్ఇండియా

India vs Bangladesh World Cup 2023 : 2023 ప్రపంచకప్​లో భాగంగా పుణెలోని మహారాష్ట్ర క్రికెట్ అసోషియేషన్ స్టేడియంలో జరిగిన మ్యాచ్​లో బంగ్లాదేశ్​పై భారత్​ 7 వికెట్ల తేడాతో గెలుపొందింది.

India vs Bangladesh World Cup 2023 : 2023 వన్డే వరల్డ్​కప్​లో వరుస విజయాలతో టీమ్​ఇండియా దూసుకెళ్తోంది. ఇప్పటికే ఆడిన మూడు మ్యాచ్​ల్లోనూ గెలిచిన భారత్​.. నాలుగో మ్యాచ్​లో బంగ్లాదేశ్​ను చిత్తుచేసింది. బంగ్లాదేశ్ నిర్దేశించిన 257 పరుగుల లక్ష్యంతో బరిలోకి దిగిన రోహిత్​ సేన.. 3 వికెట్లు కోల్పోయి 41.3 ఓవర్లలో 261 పరుగులు చేసింది. 7 వికెట్ల తేడాతో ఘన విజయం సాధించింది. టీమ్ఇండియా స్టార్ బ్యాటర్ విరాట్ కోహ్లీ (103*; 97 బంతుల్లో 6x4, 4x6) విజృంభించాడు.

• India chase down the Bangladesh total with 51 balls to spare for their fourth successive #CWC23 win ⚡#INDvBAN 📝: https://t.co/v3xome9pao pic.twitter.com/m1YC2onskd

  — ICC Cricket World Cup (@cricketworldcup) October 19, 2023 " class="align-text-top noRightClick twitterSection" data="

  India chase down the Bangladesh total with 51 balls to spare for their fourth successive #CWC23 win ⚡#INDvBAN 📝: https://t.co/v3xome9pao pic.twitter.com/m1YC2onskd

  — ICC Cricket World Cup (@cricketworldcup) October 19, 2023

  ">

  India chase down the Bangladesh total with 51 balls to spare for their fourth successive #CWC23 win ⚡#INDvBAN 📝: https://t.co/v3xome9pao pic.twitter.com/m1YC2onskd

  — ICC Cricket World Cup (@cricketworldcup) October 19, 2023

సిక్సర్​తో ఫినిష్​..
చివర్లో సిక్స్ బాది సెంచరీ పూర్తి చేసుకున్న కోహ్లీ.. భారత్‌కు భారీ విజయాన్ని అందించాడు. శుభ్‌మన్ గిల్ (53; 55 బంతుల్లో 5x4, 2x6) హాఫ్​ సెంచరీతో అద్భుత ప్రదర్శన చేశాడు. రోహిత్‌ శర్మ (48; 40 బంతుల్లో 7x4, 2x6) త్రుటిలో హాఫ్‌ సెంచరీ మిస్‌ చేసుకున్నాడు. శ్రేయస్ అయ్యర్ (19; 25 బంతుల్లో 2x4) ఫర్వాలేదనిపించాడు. కేఎల్ రాహుల్ (34*; 34 బంతుల్లో 3x4, 1x6) రాణించాడు. బంగ్లా బౌలర్లలో మెహెదీ హసన్ రెండు వికెట్లు పడగొట్టగా, హసన్ మహ్మద్ ఒక వికెట్ తీశాడు.

అంతకుముందు, టాస్​ గెలిచి మొదట బ్యాటింగ్​కు దిగిన బంగ్లాదేశ్..​ నిర్ణీత 50 ఓవర్లలో 8 వికెట్లు నష్టానికి 256 పరుగులు చేసింది. ఓపెనర్లు తాంజిద్‌ హసన్ (51; 43 బంతుల్లో 5x4, 3x6), లిట్టన్ దాస్‌ (66; 82 బంతుల్లో 7x4) అద్భుత ప్రదర్శన చేశారు. ఆ తర్వాత వచ్చిన నజ్ముల్ శాంటో (8), మెహదీ హసన్ మిరాజ్‌ (3) సింగిల్ డిజిట్‌ స్కోరుకే ఔట్​ అయి పెవిలియన్ చేరారు. తౌహిద్‌ హృదోయ్‌ (16), నసుమ్ అహ్మద్ (14) పరుగులు చేసి ఫర్వాలేదనిపించారు. ముష్ఫీకర్ రహీమ్‌ (38; 46 బంతుల్లో) రాణించాడు. చివర్లో మహ్మదుల్లా (46; 36 బంతుల్లో 3x4, 3x6) దూకుడుగా ఆడాడు. టీమ్​ఇండియా బౌలర్లలో రవీంద్ర జడేజా, మహ్మద్‌ సిరాజ్‌, జస్‌ప్రీత్‌ బుమ్రా రెండు చొప్పున వికెట్ల పడగొట్టారు. శార్దూల్ ఠాకూర్‌, కుల్‌దీప్ యాదవ్‌ ఒక్కో వికెట్ తీశారు.

సచిన్ 49, కోహ్లీ 48.. అడుగు దూరంలో రికార్డ్​..
Kohli Odi Centuries : తాజా సెంచరీతో విరాట్ కోహ్లీ అనేక రికార్డులను తన ఖాతాలో వేసుకున్నాడు. అంతర్జాతీయ ఫార్మాట్​లో 25వేలకు పైగా పరుగులు చేసిన నాలుగో బ్యాటర్​గా రికార్డుకెక్కాడు. అత్యంత వేగంగా 25 వేల పరుగులు చేసిన బ్యాటర్​ జాబితాలో తొలి స్థానంలో నిలిచాడు. వన్డేలలో కోహ్లీకి ఇది 48వ సెంచరీ. ఈ ఫార్మాట్​లో సచిన్ 49 శతకాలు కొట్టగా.. ఆ రికార్డుకు కోహ్లీ అడుగు దూరంలో ఉన్నాడు.