India Vs Australia ODI 2023 : వన్డే ప్రపంచకప్కు ముందు ఆస్ట్రేలియాతో టీమ్ఇండియా మూడు వన్డే సిరీస్ తలపడనుంది. కేఎల్ రాహుల్ సారథ్యం వహిస్తున్న ఈ జట్టు భారత్లోనీ మూడు వేదికల్లో కంగారు జట్టుతో పోటీ పడనుంది. అయితే మేటి ప్లేయర్లు ఉన్న ఇరు జట్లలో.. రానున్న మూడు వన్డే సిరీస్కుగానూ అత్యధిక పరుగులు చేసే అవకాశం ఉన్న బ్యాటర్లు ఎవరన్న విషయంపై అభిమానుల్లో ఆసక్తి నెలకొంది. ఈ క్రమంలో ఆ లిస్ట్లో ట్రెండింగ్లో ఉన్న ప్లేయర్స్ ఎవరంటే ?
శుభ్‌మన్ గిల్: ఆసియా కప్ ప్రారంభమయ్యే ముందు గిల్ ఫామ్‌పై పలు సందేహాలు తలెత్తాయి. విండీస్తో జరిగిన పోరులో కూడా అతను పెద్దగా రాణించకపోవడం వల్ల అభిమానులు నిరుత్సహానికి లోనయ్యారు. అయితే ఆసియా కప్లో ఆ ప్రశ్నలన్నింటికీ చెక్ పెట్టాడు గిల్. తన అద్భుతమైన ఆటతీరును ప్రదర్శించిన గిల్.. రోహిత్‌తో కలిసి టీమ్ఇండియాకు మంచి ఆరంభాన్ని అందించాడు. ఆ టోర్నీలో ఏకంగా 75.5 సగటుతో 302 పరుగులు చేశాడు. ఈ క్రమంలో అతను టాప్ స్కోరర్‌గా కూడా రికార్డుకెక్కాడు. అలా ఈ ఆసీస్ సిరీస్లో కూడా అత్యధిక పరుగులు చేసే బ్యాటర్ల జాబితాలో గిల్ ముందు వరుసలో ఉన్నాడు.
స్టీవ్ స్మిత్ : మణికట్టుకు గాయమవ్వడం వల్ల సౌతాఫ్రికా సిరీసుకు దూరమైన స్టీవ్ స్మిత్.. తాజాగా కోలుకుని తన బెస్ట్ ఇచ్చేందుకు ముందుకొస్తున్నాడు. తన రీఎంట్రీతో మెరుపులు అందించేందుకు సిద్ధంగా ఉన్న స్మిత్.. వరల్డ్ కప్ ముందు ఫామ్ అందుకోవడానికి రెడీ అవుతున్నాడు. ఈ క్రమంలోనే మిచెల్ స్టార్క్, పాట్ కమిన్స్, జోష్ హాజిల్‌వుడ్‌లను నెట్స్‌లో రెండు గంటలపాటు ఎదుర్కొన్న స్మిత్ .. రానున్న మ్యాచ్ కోసం ఎంతో ఆసక్తిగా ఎదురుచూస్తున్నాడు. భారత్‌లో మంచి రికార్డు ఉన్న ఈ స్టార్ ప్లేయర్.. ఈ మూడు వన్డేల్లో కూడా అదరగొట్టాలంటూ ఆసీస్ ఫ్యాన్స్ కోరుకుంటున్నారు.
కేఎల్ రాహుల్ : గాయాలతో పోరాడి కోలుకున్న టీమ్ఇండియా ప్లేయర్ కేఎల్ రాహుల్.. తాజాగా జరిగిన ఆసియా కప్లో శతకాలతో చెలరేగిపోయాడు. పాకిస్థాన్తో జరిగిన మ్యాచ్లో కీలక ఇన్నింగ్స్ ఆడిన రాహుల్.. జట్టుకు మంచి స్కోర్ను అందించాడు. ఇలా తమ కమబ్యాక్తో అందరిని అబ్బురపరిచిన అతను.. ఆసీస్‌తో జరగనున్న సిరీస్లో భారత జట్టుకు కెప్టెన్గా వ్యవహరించనున్నాడు. ఓ బ్యాటర్గానే కాకుండా ఓ సారథిగా అతనిపై అదనపు భారం పడింది.
ఇక వరల్డ్ కప్ జట్టులో కూడా కీలకమైన ఈ స్టార్ బ్యాటర్.. తన ఆసియా కప్ ఫామ్‌ను రానున్న మ్యాచ్లకు కొనసాగించేందుకు రెడీగా ఉన్నాడు. కెప్టెన్గా కూడా బాధ్యతలు చేపట్టిన అతను.. మిడిల్ ఓవర్లలో ఇన్నింగ్స్ నిర్మించే బాధ్యతను కూడా తీసుకోవాల్సి ఉంటుంది. అదే గనుక జరిగితే అతను ఈ సిరీస్లో భారీ ఇన్నింగ్స్ ఆడటం ఖాయమంటూ అభిమానులు ఆశాభావం వ్యక్తం చేస్తున్నారు.
Tilak Varma World Cup 2023 : హోల్డ్ ఆన్.. మనోడు ఇంకా ప్రపంచకప్ రేసులోనే.. సమీకరణాలు ఇవే!
Ind Vs Aus ODI : భారత్ - ఆస్ట్రేలియా తొలి వన్డే.. రికార్డుల వేటలో రాహుల్, అశ్విన్!
