South Africa vs Netherlands World Cup 2023 : సౌతాఫ్రికాపై పసికూన నెదర్లాండ్స్ సంచలన విజయం సాధించింది. ధర్మశాల స్టేడియం వేదికగా జరిగిన మ్యాచ్లో 38 పరుగుల తేడాతో గెలుపొంది వరల్డ్ కప్లో ఖాతా తెరిచింది. 246 పరుగులు లక్ష్యంతో బరిలోకి దిగిన దక్షిణాఫ్రిగా మొదటి నుంచీ తడబడింది. 207 పరుగులకే ఆలౌట్ అయి ఓడిపోయింది. దక్షిణాఫ్రిగా బ్యాటర్లలో డేవిడ్ మిల్లర్ (43) రాణించాడు. ఓపెనర్ డికాక్ (20), క్లాసెన్ (28), జెరాల్డ్ (22) ఓ మోస్తరు ప్రదర్శన చేశారు. నెదర్లాండ్స్ బౌలర్లలో లోగాన్ వాన్ బీక్ 3, పాల్ వాన్ మీకెరెన్, రోలోఫ్ వాన్ డెర్ మెర్వే, బాస్ డి లీడే తలో రెండు వికెట్లు పడగొట్టారు. కొలిన్ ఒక వికెట్ తీశాడు.
మొదట టాస్ ఓడి బ్యాటింగ్ దిగిన నెదర్లాండ్స్.. వర్షం కారణంగా మ్యాచ్ను 43 ఓవర్లకు కుదించగా.. నిర్ణీత ఓవర్లలో 8 వికెట్ల నష్టానికి 245 పరుగులు చేసింది. స్కాట్ ఎడ్వర్డ్స్ (78) కెప్టెన్ ఇన్నింగ్స్ ఆడాడు. రోలోఫ్ వాన్ డెర్ మెర్వే (29), ఆర్యన్ దత్ (23*), తేజ నిడమనూరు (20), మాక్స్ ఓడౌడ్ (18) పరుగులు చేసి ఫర్వాలేదనిపించారు. సౌతాఫ్రికా బౌలర్లలో లుంగి ఎంగిడి, జాన్సెన్, రబాడ తలొ రెండు వికెట్ల పడగొట్టారు. గెర్లాడ్, మహరాజ్ ఒక్కో వికెట్ తీశారు.
ICC World Cup Schedule 2023 : వరుసగా రెండు మ్యాచ్లు ఓడి పాయింట్ల పట్టికలో చివరి స్థానంలో ఉన్న నెదర్లాండ్స్.. ఆడిన రెండు మ్యాచ్లూ గెలిచి పాయింట్ల పట్టికలో మూడో స్థానంలో ఉన్న దక్షిణాఫ్రికాను ఓడించి వరల్డ్ కప్లో బోణీ కొట్టింది. ప్రస్తుతం భారత్ 6 పాయింట్లతో తొలి స్థానంలో కొనసాగుతోంది. రెండో ప్లేస్లో న్యూజిలాండ్ ఉంది. చెన్నైలోని ఎమ్ఏ చిందంబరం స్టేడియం వేదికగా బుధవారం న్యూజిలాండ్- అప్గానిస్థాన్ మధ్య మ్యాచ్ జరగనుంది. అయితే ప్రస్తుతం రెండో స్థానంలో కొనసాగుతోన్న న్యూజిలాండ్ ఈ మ్యాచ్ గెలిస్తే పాయింట్ల పట్టికలో మొదటి స్థానంలో నిలుస్తుంది.
-
Unforgettable moments from an unforgettable win 😍#CWC23 | #SAvNED pic.twitter.com/mWzQ2TI88w
— ICC (@ICC) October 17, 2023 " class="align-text-top noRightClick twitterSection" data="
">Unforgettable moments from an unforgettable win 😍#CWC23 | #SAvNED pic.twitter.com/mWzQ2TI88w
— ICC (@ICC) October 17, 2023Unforgettable moments from an unforgettable win 😍#CWC23 | #SAvNED pic.twitter.com/mWzQ2TI88w
— ICC (@ICC) October 17, 2023
ODI World Cup 2023 : 'భారత్‌ను ఓడించడం కత్తిమీద సామే.. కానీ రోహిత్ ఉంటే మాత్రం..'
