ఇప్పటికే పలు రికార్డులకు కేరాఫ్ అడ్రస్గా నిలుస్తున్న పాకిస్థాన్ సూపర్ లీగ్లో మరో సంచలనాన్ని సృష్టించాడు పాక్ క్రికెటర్ ఉస్మాన్ ఖాన్. క్వెట్టా గ్లాడియేటర్స్ టీమ్తో జరిగిన మ్యాచ్లో ముల్తాన్ సుల్తాన్స్కు చెందిన ఓపెనర్ ఉస్మాన్ ఖాన్.. కేవలం 36 బంతుల్లోనే శతాకాన్ని సాధించాడు. వీరవిధ్వంసం సృష్టించి సెంచరీ బాదేశాడు. ఇక ఇతని ఆటతీరు చూసి స్టేడియంలోని అభిమానులు షాక్కు గురయ్యారు.
ఈ క్రమంలో ముల్తాన్స్ జట్టు బ్యాటర్ అయిన రిలీ రోసో 41 బంతుల్లో కొట్టిన ఫాస్టెస్ట్ సెంచరీ రికార్డును బద్దలు కొట్టాడు. దీంతో ఇప్పుడు ఉస్మాన్ ఫాస్టెస్ట్ సెంచరీ ఘనత నెట్టింట మారుమోగిపోతోంది. 43 బంతుల్లో 12 ఫోర్లు, 9 సిక్సర్లతో 120 రన్స్ స్కోర్ చేసిన ఉస్మాన్.. మహ్మద్ నవాజ్ బౌలింగ్లో పెవీలియన్ బాట పట్టాడు.
ఇక మ్యాచ్లో ఆడిన మిగతా ప్లేయర్స్లో మహ్మద్ రిజ్వాన్ 29 బంతుల్లో 6 ఫోర్లు, 2 సిక్సర్లతో 55 పరుగులు స్కోర్ చేశాడు. టిమ్ డేవిడ్ 25 బంతుల్లో 43 పరుగులు సాధించగా పొలార్డ్‌ 23 పరుగులతో రాణించాడు. దాంతో నిర్ణీత 20 ఓవర్లలోనే ముల్తాన్ సుల్తాన్ టీమ్.. 3 వికెట్లు కోల్పోయి 262 పరుగుల భారీ స్కోర్ను సాధించింది. కాగా ఉస్మాన్ బాదిన సెంచరీ పాకిస్థాన్ సూపర్ లీగ్లో ఏడోది కావడం విశేషం. ఇప్పటికే మార్టిన్ గప్తిల్, మహ్మద్ రిజ్వాన్, బాబర్ ఆజమ్, జాసన్ రాయ్, ఫకార్ జమాన్, రిలే రిసో శతాకాలు బాది రికార్డుకెక్కగా ఇప్పుడు వీరి జాబితాలో ఉస్మాన్ ఖాన్ చేరాడు.
అత్యధిక స్కోర్ చేసిన జట్టు..
నిర్ణీత 20 ఓవర్లలో ముల్తాన్ సుల్తాన్స్ టీమ్ కేవలం 3 వికెట్లు కోల్పోయి.. 262 పరుగుల స్కోర్ను నమోదు చేసింది. అలా పీఎస్‌ఎల్‌ చరిత్రలో అత్యధిక స్కోరు నమోదు చేసిన జట్టుగా రికార్డులు సృష్టించింది. అయితే క్వెటా గ్లాడియేటర్స్కు మాత్రం మొదట్లోనే చేదు అనుభవం ఎదరయ్యింది. ఓపెనర్గా దిగిన జేసన్‌ రాయ్ 6 పరుగులకే పెవిలియన్‌ బాట పట్టాడు. దీంతో ఈ టీమ్కు ఆరంభంలోనే గట్టి దెబ్బ తగిలింది. ఇక మరో ఓపెనర్ మార్టిన్ గప్టిల్‌ 37, వన్‌డౌన్‌ బ్యాటర్ ఒమైర్‌ యూసఫ్‌ 67 పరుగులు చేసి ఇన్నింగ్స్‌ను నిలబెట్టుకునే ప్రయత్నం చేశారు. అంతే కాకుండా మరో ప్లేయర్ ఇఫ్తికర్‌ అహ్మద్‌ అర్ధ శతకం(53)తో రాణించినప్పటికీ.. గ్లాడియేటర్స్కు ఓటమి తప్పలేదు.
