క్రికెట్ ఫ్యాన్​కు బంపర్ లాటరీ- మ్యాచ్ చూస్తుండగా సింగిల్​ హ్యాండ్​ క్యాచ్- రాత్రికి రాత్రే కోటీశ్వరుడు!

మ్యాచ్ చూసేందుకు వచ్చిన ప్రేక్షకుడు- భారీ ప్రైజ్​మనీతో స్టేడియం నుంచి తిరిగి వెళ్లాడు

Cricket Fan Get Cash Prize : ఎక్కడైనా మైదానంలో ఫీల్డర్లు కళ్లు చెదిరే క్యాచ్​లు పట్టడం చూస్తుంటాం. అలాంటి క్యాచ్ పట్టినందుకు వారికి ప్రశంసలతో పాటు కొన్నిసార్లు నజరానా కూడా అందుతుంది. అయితే సౌతాఫ్రికా డొమెస్టిక్ లీగ్ SAటీ20లో మ్యాచ్ చూస్తున్న ఓ ప్రేక్షకుడు, స్టాండ్స్​లోకి వచ్చిన బంతిని ఒంటి చేత్తో అద్భుతంగా క్యాచ్ పట్టుకున్నాడు. దీంతో అతడు లక్షధికారిగా మారిపోయాడు. ప్రేక్షకుడు క్యాచ్ పడితే లక్షాధికారిగా మారడం ఏంటి? అనుకుంటున్నారా?

సౌతాఫ్రికాలో జరుగుతున్న SA టీ20 లీగ్​కు క్రికెట్ అభిమానుల్లో మంచి క్రేజ్ ఉంది. ప్రపంచవ్యాప్తంగా ఉన్న ఎంతోమంది స్టార్ క్రికెటర్లు ఈ లీగ్ లో దిగి సత్తాచాటుతుంటారు. అయితే సాధారణంగా ఏ లీగ్​లో అయినా, మ్యాచ్​లోనైనా ఆటగాళ్లతో పాటు క్రికెట్​కు సంబంధించిన వాళ్లు మాత్రమే నజరానా అందుకుంటారు. అలానే మ్యాచుల్లో అద్భుతమైన క్యాచ్​లు పట్టినందుకు ప్లేయర్స్ నగదు బహుమతి అందుకుంటారు.

కానీ, తాజాగా SA టీ20 లీగ్​లో స్టాండ్స్​లోకి దూసుకువచ్చిన బంతిని అక్కడే కూర్చొని ఉన్న ప్రేక్షకుడు సింగిల్ హ్యాండ్​తో అందుకున్నాడు. దీంతో అతడి ఆనందానికి అవధుల్లేకుండా పోయాయి. ఇక్కడే ఓ సర్​ప్రైజ్. క్యాచ్​ అందుకున్న ప్రేక్షకుడికి లీగ్ నిర్వాహకులు క్యాష్ ప్రైజ్ కూడా అనౌన్స్​ చేసి అతడి సంతోషాన్ని రెట్టింపు చేశారు. ఈ సూపర్ క్యాచ్​కు సదరు ప్రేక్షకుడు ఏకంగా 2 మిలియన్ ర్యాండ్ (భారత కరెన్సీలో రూ.90 లక్షలు) దక్కించుకున్నాడు.

లీగ్​లో భాగంగా రీసెంట్​గా డర్బన్ సూపర్ జెయింట్స్- ప్రిటోరియా క్యాపిటల్స్ మధ్య మ్యాచ్ జరిగింది. ఈ మ్యాచ్​లో డర్బన్ జట్టు ఆటగాడు కేన్ విలియమ్సన్ 17.3 వ ఓవర్​లో బంతిని పుల్ షాట్ ఆడగా, అది స్టాండ్స్​లోకి దూసుకెళ్లింది. బంతి గాల్లో ఉండగానే స్టేడియంలో కూర్చున్న ఓ ప్రేక్షకుడు తన సీటు నుంచి లేచి కళ్లుచెదిరే రీతిలో క్యాచ్ అందుకున్నాడు. ప్రస్తుతం ఈ వీడియో సోషల్ మీడియాలో వైరల్​గా మారింది.

Super catch alert in the stands! 🚨#DurbanSuperGiant's #KaneWilliamson goes berserk as he smashes a colossal six 😮‍💨

Keep watching the #SA20 LIVE on Disney + Hotstar, Star Sports 2 & Sports18-2 | #DSGvPC pic.twitter.com/KwiTpo4yPa

— JioCinema (@JioCinema) January 10, 2025

ప్రేక్షకులకు ప్రైజ్​మనీ
SA టీ20లో క్రికెటర్లకు మాత్రమే కాకుండా ప్రేక్షకులకు కూడా ప్రైజ్ మనీ ఇస్తుంటారు. 'క్యాచ్ ఏ మిలియన్' పేరిట దీన్ని నిర్వహిస్తుంటారు. 18ఏళ్లు పైబడిన ప్రేక్షకులు 'వన్ హ్యాండెడ్ క్యాచ్' పడితే ఒక మిలియన్ ర్యాండ్ (రూ.45 లక్షలు) ప్రైజ్​మనీ అందుతుంది. అదే ఆ ప్రేక్షకుడు స్పాన్సర్ క్లైంట్ అయితే ప్రైజ్​మనీ రెట్టింపు అవుతుంది. ఇలా విధంగా SA టీ20 లీగ్​ మ్యాచ్​ చూసేందుకు వెళ్లిన ఆ ప్రేక్షకుడు, లక్షాధికారిగా తిరిగి వెళ్లాడు.