మరో 15 రోజుల్లో 2022 ముగియబోతుంది. దీంతో ప్రతి ఏడాది లాగే ఈ ఏడాది కూడా గూగుల్లో ఎక్కువగా ఏం వెతికారు? ఎందుకు వెతికారు? ఎవరి గురించి ఎక్కువ సెర్చ్ చేశారు? వంటి విషయాలను గూగుల్ లిస్ట్ను విడుదల చేస్తుంది. అయితే ఇందులో ఎక్కువగా వెతికిన క్రీడాకారుడు ఎవరో మీకు తెలుసా! దాని గురించే ఈ కథనం..
సాధారణంగా ఎంఎస్ ధోనీ, రోహిత్ శర్మ, విరాట్ కోహ్లీ లేక వేరే దేశానికి చెందిన పాపులర్ ఆటగాళ్లు. గూగుల్లో ఎక్కువగా వీరి గురించే సెర్స్ చేస్తారు. ఇప్పుడు ధోనీ ఏం చేస్తున్నాడు? రోహిత్ భారత జట్టును ఎలా నడిపిస్తున్నాడు? మునుపటి ఫాం అందుకున్న కోహ్లీ ప్రస్తుతం ఎన్ని సెంచరీలు చేశాడు? ఇలాంటివి వెతికొచ్చని మనం అనుకుంటాం. కానీ ఈ సారి దీనికి భిన్నం. వీరెవరూ కాదు. ఇలాంటి ప్రశ్నలు లేనే లేవు. మరి గూగుల్లో ఏ ఆటగాడి గురించి ఎక్కువ వెతికారో అనే అనుమానం వస్తుందా. అతడు మరెవరో కాదు ప్రవీణ్ తాంబే.
41 ఏళ్ల వయసులో ఐపీఎల్లో అరంగేట్రం చేశాడు ప్రవీణ్ తాంబే. ఇప్పటివరకు భారత జాతీయ జట్టుకు ఆడలేదు. అయినా సరే అతడి గురించే గూగుల్లో ఎక్కువ శోధించారట. ఇతడి గురించి బాలీవుడ్లో సినిమా కూడా వచ్చింది. హిందీ నటుడు శ్రేయస్ తల్పడే టైటిల్ రోల్ పోషించాడు. ఐపీఎల్లో ఆడిన అతి పెద్ద వయస్కుడిగా తాంబే రికార్డు సృష్టించాడు. దీని వల్లే అతని గురించి తెలుసుకోవడానికి నెటిజన్లు ఆసక్తి చూపించారు.
ఇదీ చూడండి: టెస్టుల్లో ఎక్కువ రన్స్ చేసిన ఇండియన్ క్రికెటర్స్ వీరే
