Ashish Nehra On Axar Patel : పొడవు ఎక్కువగా ఉండటం వల్ల బౌలింగ్లో జడేజా కన్నా అక్షర్ పటేల్ ఎక్కువ విజయాలు సాధిస్తున్నాడని మాజీ పేసర్, గుజరాత్‌ కోచ్ ఆశిశ్ నెహ్రా అభిప్రాయపడ్డాడు. అతడు లైన్లో బౌలింగ్ వేస్తున్నాడని.. అదే అతడి అతిపెద్ద బలం అని పేర్కొన్నాడు. ఆదివారం హైదరాబాద్లోని ఉప్పల్ స్టేడియంలో హోరాహోరీగా జరిగిన ఆఖరి మ్యాచ్లో భారత్ విజయం సాధించింది. మొదటి ఇన్నింగ్స్లో అక్షర్ మూడు వికెట్లు తీసి అదరహో అనిపించాడు. దీంతో 2-1 తేడాతో సిరీన్ను టీమ్ ఇండియా కైవసం చేసుకుంది.
"లెంగ్త్పై అతడికి పూర్తి కంట్రోల్ ఉంది. అతడి బౌలింగ్లో స్వీప్ ఆడటం కష్టం. అయితే జడేజాతో పోల్చితే.. అక్షర్కు ఎత్తు అడ్వాంటేజ్. అందుకే జడేజా కంటే అక్షర్ ఎక్కువ విజయం సాధిస్తున్నాడు. అక్షర్ లైన్ టైట్గా ఎప్పుడూ స్టంప్స్కే వేస్తాడు. అలా ఆడటానికి వీలు కల్పించకపోతే.. బ్యాటర్కు బ్యాటింగ్ పిచ్లపై కూడా ఆడటం కష్టమవుతుంది"
ఆశిశ్ నెహ్రా, భారత మాజీ పేసర్
అక్షర్ బౌలింగ్పై మరో టీమ్ ఇండియా మాజీ బౌలర్ ఆర్పీ సింగ్ సైతం స్పందించాడు. పవర్‌ప్లేలోనూ బౌలింగ్ చేయడం అక్షర్ ప్రత్యేకత అని చెప్పాడు. అయితే అక్షర్ అంతకుముందు బంతిని అంతగా టర్న్ చేసేవాడు కాదు.. కానీ ఇప్పుడు చాలా మెరుగయ్యాడని పేర్కొన్నాడు.
స్టార్ ఆల్రౌండర్ రవీంద్ర జడేజాకు గాయం కారణంగా టీమ్లో అక్షర్కు స్థానం లభించింది. అయితే ఈ సిరీస్లో అక్షర్ మంచి ప్రదర్శన చేశాడు. పవర్ ప్లేలో బౌలింగ్ చేయగల బౌలర్గా తయారయ్యాడు. దీంతో ప్లేయర్ ఆఫ్ ది సిరీస్ అవార్డ్ అందుకున్నాడు. భారత్-ఆసీస్ సిరీస్లో 6.3 ఎకానమీతో మొత్తం 8 వికెట్లు తీశాడు. అతడు తీసిన 29 వికెట్లలో.. 2022లోనే 16 వికెట్లు పడగొట్టాడు. ప్రస్తుతం అతడికి 7.12 ఎకానమీ రేటు ఉంది.
ఇవీ చదవండి: 'మీరు చేస్తే ఒప్పు.. మేము చేస్తే తప్పా'.. ఏది క్రీడా స్ఫూర్తి?
