రీఎంట్రీ ఇచ్చిన వివాదాస్పద క్రికెటర్​.. ఆరు పరుగులకే పెవిలియన్​ చేరి..

ఆస్ట్రేలియా జట్టు మాజీ కెప్టెన్‌ టిమ్‌ పెయిన్‌ రీఎంట్రీ ఇచ్చాడు. ఒక మహిళకు అసభ్యకర సందేశాలు పంపిన వివాదం వెలుగులోకి రావడంతో టెస్టు​ కెప్టెన్సీకి రాజీనామా చేసి ఆట నుంచి సుదీర్ఘ విరామం తీసుకున్న అతడు.. గురువారం ప్రారంభమైన టెస్టు మ్యాచ్​లో మళ్లీ బ్యాట్​ పట్టాడు.

ఆస్ట్రేలియా జట్టు మాజీ కెప్టెన్‌, వివాదాస్పద క్రికెటర్‌ టిమ్‌ పెయిన్‌ మళ్లీ క్రికెట్‌ మైదానంలోకి అడుగుపెట్టాడు. 2017లో ఒక మహిళకు అసభ్యకర సందేశాలు పంపిన వివాదం వెలుగులోకి రావడంతో గత ఏడాది నవంబర్‌లో ఆసీస్‌ టెస్టు కెప్టెన్సీ పదవికి రాజీనామా చేశాడు. ఆ తర్వాత ఆట నుంచి సుదీర్ఘ విరామం తీసుకున్నాడు.

ఇప్పుడు తాజాగా తన దేశవాళీ జట్టు అయిన టాస్మేనియా టీమ్​ ప్రాక్టీస్‌ సెషన్‌లో అతను కూడా పాల్గొన్నాడు. బుధవారం ప్రారంభమైన షెఫీల్డ్‌ షీల్డ్‌ ట్రోఫీలో భాగంగా తొలి మ్యాచ్‌లో టాస్మేనియా.. టాస్​ ఓడింది. ప్రత్యర్థి జట్టు ఆహ్వానం మేరకు బ్యాటింగ్​కు దిగింది. అయితే పెయిన్‌.. ఫీల్డ్​లోకి దిగి కేవలం ఆరు పరుగులు మాత్రమే చేసి పెవిలియన్​ చేరాడు.
టిమ్‌ పెయిన్​ ఆసీస్‌ తరపున 35 టెస్టుల్లో 1534 పరుగులు, 35 వన్డేల్లో 890 పరుగులు, 12 టి20ల్లో 82 పరుగులు సాధించాడు.

ఇవీ చదవండి: పండంటి మగబిడ్డకు జన్మనిచ్చిన క్రికెటర్​ భార్య.. ఫ్యాన్స్​​కు థ్యాంక్స్​ చెబుతూ లెటర్​!