టీమ్‌ఇండియా మాజీ సారథి సౌరభ్ గంగూలీపై పాకిస్థాన్‌ మాజీ బౌలర్ షోయబ్ అక్తర్ ప్రశంసలు కురిపించాడు. భారత జట్టుకు నాయకత్వం వహించిన వాళ్లలో గంగూలీ అంటేనే తనకు చాలా ఇష్టమని వెల్లడించాడు.
"నాకు నచ్చిన భారత కెప్టెన్‌ గంగూలీ. ఆ జట్టు నుంచి అంతకంటే ఉత్తమ నాయకులు రాలేదు. సారథిగా ధోనీ కూడా మంచి ప్రదర్శనే చేశాడు. కానీ దాదా జట్టు స్వరూపాన్నే మార్చేశాడు. 1990ల్లో ఆ జట్టు మాపై పెద్దగా గెలవడం నేను చూడలేదు. కానీ 2000లో గంగూలీ కెప్టెన్‌ అయ్యాక ఆ జట్టు పాక్‌ను ఓడిస్తుందని అనుకున్నా. అలాగే జరిగింది. టీమ్‌ఇండియాలో అతను గొప్ప మార్పు తెచ్చాడు. గంగూలీ ఓ పిరికివాడు, నా బౌలింగ్‌ను ఎదుర్కొవడానికి భయపడతాడని చాలా మంది భావించారు. కానీ నా కెరీర్‌లో నేను బౌలింగ్‌ చేసిన అత్యంత ధైర్యవంతుడైన బ్యాట్స్‌మన్‌ అతనే. అతను ఎక్కువ షాట్లు ఆడలేకపోవచ్చు. అతని ఛాతీకి గురిపెట్టి నేను చాలా సార్లు బంతులేశా. అయినప్పటికీ ఓపెనర్‌గా దిగి.. ఓ యోధుడిలా నా బౌలింగ్‌ను ఎదుర్కొని పరుగులు సాధించాడు. బెంగాలీ ప్రజలు మంచి ప్రోత్సహాన్ని అందిస్తారు. నాయకులుగా ముందుండి నడిపిస్తారు. గంగూలీ కూడా అంతే. వాళ్లంటే నాకు ప్రేమ"
-అక్తర్, పాక్ మాజీ పేసర్.
ఇది చూడండి : టీ20 ప్రపంచకప్ నిర్వహణపై జులైలో తుది నిర్ణయం
