దుబాయ్ వెళ్లేందుకు తామంతా ఆత్రుతగా ఎదురుచూస్తున్నామని అన్నాడు సీనియర్ క్రికెటర్ సురేశ్ రైనా. టోర్నీ ప్రారంభానికి 18-20 రోజుల ముందే యూఏఈకి చేరుకోవచ్చని అన్నాడు. ఇప్పటికే స్వస్థలం ప్రాక్టీసు చేస్తున్న రైనా.. ఆ వీడియోలను ఎప్పటికప్పుడు పోస్ట్ చేస్తూనే ఉన్నాడు.
"ఐపీఎల్ ప్రారంభానికి 18-20 రోజుల ముందు యూఏఈ చేరుకుని అక్కడే ప్రాక్టీస్ చేయనున్నాం. ఇప్పటికే నాలుగైదు నెలలుగా లాక్డౌన్లో ఉన్నాం. కాబట్టి ఐపీఎల్ ఆడటానికి ముందు అక్కడికి వెళ్లడం మంచిది. ఇప్పటికీ చాలా మంది క్రికెటర్లతో మాట్లాడాను. వారు ప్రతిదీ ప్రణాళిక ప్రకారం చేస్తున్నారు. చాలా ఫిట్నెస్ అవసరం కాబట్టి ధోనీ, ఇంట్లోనే కఠిన శిక్షణ తీసుకుంటున్నాడు"
-సురేశ్ రైనా, టీమ్ఇండియా క్రికెటర్
టీమ్ఇండియా యువక్రికెటర్ రిషబ్ పంత్ కూడా ఘజియాబాద్లోనే శిక్షణ తీసుకుంటున్నాడు. ప్రాక్టీసులో పంత్.. బంతిని బాగా కొట్టాడని భవిష్యత్లో మంచి బ్యాట్మన్గా ఎదుగుతాడని సురేశ్ రైనా ప్రశంసించాడు. "పంత్తో కలిసి ప్రాక్టీసు చేస్తున్నా. అతడు బంతిని బాగా బాదుతున్నాడు. బ్యాటింగ్ చక్కగా చేస్తున్నాడు. అతడికి మంచి భవిష్యత్ ఉంది. జట్టులోని సహచరులు పంత్ను జాగ్రత్తగా చూసుకోవాలి" అని సురేశ్ రైనా చెప్పాడు.
