అప్పటి వరకు అతడు ఓ సాధారణ నటుడు. బ్రేక్‌ కోసం ఆరేళ్లుగా చిత్ర పరిశ్రమలో కష్టపడుతున్న కుర్రాడు. 2017 ఆగస్టు 25న 'అర్జున్రెడ్డి'తో ఒక్కసారిగా దేశంలో సెన్సేషన్‌గా మారాడు. టాలీవుడ్‌లోనే కాకుండా బాలీవుడ్లోనూ యమ క్రేజ్ తెచ్చుకున్నాడు. అతడే యువహీరో రౌడీబాయ్ విజయ్ దేవరకొండ.
ఇదంతా అతనికి ఒక్కరోజులో వచ్చిన ఫేమ్‌ కాదు. ఎన్నో ఆడిషన్స్‌.. తిరస్కారాలు.. నిరాశల తర్వాత ఈ స్టార్‌డమ్‌ను సంపాదించాడు. ఇన్ని అవరోధాలు దాటి నేడు స్టార్ హోదా దక్కించుకున్నాడు. ఈరోజు విజయ్ పుట్టినరోజు సందర్భంగా అతడు నటించిన సినిమాలపై ఓ లుక్కేద్దాం.
బాలనటుడుగా
పాఠశాలలో చదువుతున్న రోజుల్లోనే 'శిరిడిసాయి ప్రతి సాయి దివ్య కథ' సీరియల్‌లో విజయ్, బాల నటుడి కనిపించాడు.
నువ్విలా
దీంతో వెండితెరకు పరిచయమయ్యాడు. 2011లో వచ్చిన ఈ సినిమాలో క్రికెటర్గా కనిపించాడు.
లైఫ్ ఈజ్ బ్యూటిఫుల్
శేఖర్ కమ్ముల తీసిన ఈ చిత్రంలో సహాయ పాత్రలో కనిపించి ఆకట్టుకున్నాడు విజయ్.
ఎవడే సుబ్రహ్మమణ్యం
నాని హీరోగా నటించిన ఈ సినిమాలో రెండో కథానాయకుడిగా కనిపించాడు విజయ్. జాలీగా తనకు నచ్చినట్లు ఉండే ఓ కుర్రాడి పాత్రలో నటించి మెప్పించాడు.
పెళ్లిచూపులు
ఈ సినిమాతో విజయ్ హీరోగా పరిచయమయ్యాడు. చిన్న చిత్రంగా వచ్చి, సూపర్హిట్గా నిలిచింది. దర్శకుడు తరుణ్భాస్కర్ ప్రతిభకు గుర్తింపు దక్కింది.
ద్వారక
ఈ సినిమా అనుకున్నంతగా ఆడలేదు. బాక్సాఫీసు వద్ద బోల్తా కొట్టింది. ఇందులో ఓ దొంగ బాబా పాత్రలో కనువిందు చేశాడు విజయ్.
అర్జున్రెడ్డి
ఈ సినిమాతో విజయ్ ఓవర్ నైట్ స్టార్ అయిపోయాడు. దక్షిణాది చిత్రసీమతో పాటు బాలీవుడ్లోను ఫుల్ క్రేజ్ సంపాదించుకున్నాడు.
ఏ మంత్రం వేశావే
2018లో వచ్చిన ఈ సినిమా.. ప్రేక్షకులను ఆకట్టుకోవడంలో విఫలమైంది. బాక్సాఫీసు వద్ద బోల్తా కొట్టింది.
మహానటి
అలనాటి తార సావిత్రి బయోపిక్గా తెరకెక్కిన ఈ చిత్రంలో ఓ ఫొటోగ్రాఫర్గా కనిపించాడు విజయ్. ఇందులో కీర్తి సురేశ్ టైటిల్ రోల్ పోషించింది.
గీతగోవిందం
ఈ సినిమాతో విజయ్ తనలోని కొత్త కోణాన్ని చూపించాడు. 'మేడమ్.. మేడమ్' అంటూ క్లాస్గా కనిపించి ప్రేక్షకాదరణ దక్కించుకున్నాడు. ఇందులో రష్మిక హీరోయిన్గా నటించింది. ఈ చిత్రం రూ.100 కోట్ల వసూళ్లను సొంతం చేసుకుంది.
నోటా
తెలుగు, తమిళ భాషల్లో ఈ సినిమా విడుదలైంది. అయితే ఆశించినంతగా ప్రేక్షకులను అలరించలేకపోయింది.
ట్యాక్సీవాలా
థ్రిల్లర్ కామెడీ నేపథ్యంలో తెరకెక్కిన ఈ చిత్రం.. హిట్గా నిలిచింది. ఇందులో స్టైలిష్ ట్యాక్సీ డ్రైవర్గా విజయ్ కనువిందు చేశాడు.
డియర్ కామ్రేడ్
గీతగోవిందంతో హిట్ జోడి అనిపించుకున్న రష్మిక-విజయ్.. మరోసారి ఈ సినిమాలో కలిసి నటించారు. దక్షిణాదిలో నాలుగు భాషల్లో విడుదలై, మిశ్రమ స్పందన అందుకుంది. యూట్యూబ్లో వీక్షణల పరంగా రికార్డులు సృష్టిస్తోంది.
వరల్డ్ ఫేమస్ లవర్
డిఫరెంట్ కాన్సెప్ట్ అంటూ వచ్చిన ఈ సినిమా.. బాక్సాఫీసు వద్ద యావరేజ్గా ఆడింది. ఇందులో రాశీ ఖన్నా, కేథరీన్, ఐశ్వర్య రాజేశ్, ఇస్బెల్లా.. విజయ్ సరసన నటించారు.
ఫైటర్
మాస్ డైరెక్టర్ పూరీ జగన్నాథ్ దర్శకత్వంలో పాన్ ఇండియా కథ తెరకెక్కుతున్న సినిమా 'ఫైటర్'. ప్రస్తుతం లాక్డౌన్ నేపథ్యంలో షూటింగ్ నిలిచిపోయింది. బాలీవుడ్ హీరోయిన్ అనన్య పాండే విజయ్కు జోడిగా నటిస్తుంది.
