బాలీవుడ్ నటుడు సుశాంత్ సింగ్ రాజ్పుత్ ఆత్మహత్యతో సినీ పరిశ్రమతో పాటు అభిమానులు షాక్కు గురయ్యారు. మంచి నటుడు అర్ధాంతరంగా తనువు చాలించాడంటూ ఆవేదన వ్యక్తం చేశారు. అయితే సుశాంత్ మరణాన్ని ఫ్యాన్స్ అంత తొందరగా మర్చిపోయేలా లేరు. అతడికి సంబంధించిన ఫొటోలు, వీడియోలను సామాజిక మాధ్యమాల్లో పోస్టు చేస్తూ ఈ హీరోను గుర్తుచేసుకుంటున్నారు.
సుశాంత్ కెరీర్లో మర్చిపోలేని చిత్రం 'ధోని'. టీమ్ఇండియా మాజీ సారథి మహేంద్ర సింగ్ ధోని జీవితాధారంగా తెరకెక్కిన ఈ సినిమాలో సుశాంత్ నటన చిరకాలం గుర్తుండిపోతుంది. చివర్లో ప్రపంచకప్లో ధోని బాదిన హెలికాప్టర్ షాట్ను అచ్చు అలాగే కొట్టి పాత్రలో జీవించిపోయాడంటూ ప్రశంసలు అందుకున్నాడు సుశాంత్. అయితే ఆ షాట్ కోసం అతడు చాలా ప్రాక్టీస్ చేశాడు. ఓ సందర్భంలో ఫ్యాన్స్ అతడిని హెలికాప్టర్ షాట్ ఆడాలంటూ కోరగా.. ఆ షాట్ను పర్ఫెక్ట్గా బాదాడు. ప్రస్తుతం ఆ వీడియో వైరల్గా మారింది.
- " class="align-text-top noRightClick twitterSection" data="
">
