సందీప్‌ కిషన్, నేహాశెట్టి హీరోహీరోయిన్లుగా రూపొందుతోన్న చిత్రం 'గల్లీ రౌడీ'. జి.నాగేశ్వర రెడ్డి దర్శకుడు. ఇటీవలే సెన్సార్ పూర్తి చేసుకున్న ఈ చిత్రం ఇప్పుడు విడుదలకు సిద్ధమైంది. సెప్టెంబరు 3న థియేటర్లలో సినిమాను విడుదల చేయనున్న చిత్రబృందం ప్రకటించింది. కోనా ఫిల్మ్‌ కార్పొరేషన్‌, ఎంవీవీ సినిమా సంయుక్తంగా నిర్మించాయి.
నిఖిల్ సిద్ధార్థ్ హీరోగా యాక్షన్-స్పై కథాంశంతో ఓ సినిమా రూపొందనుంది. స్వాతంత్య్ర దినోత్సవం సందర్భంగా ఈ సినిమా గురించి ప్రకటన చేశారు. 'గూఢచారి', 'ఎవరు', 'హిట్' సినిమాలకు ఎడిటర్గా పనిచేసిన గారీ బీహెచ్ ఈ సినిమాతో దర్శకుడిగా మారారు. రెడ్ సినిమాస్ పతాకంపై కే రాజశేఖర్ రెడ్డి నిర్మాతగా వ్యవహరించనున్నారు.
రవితేజ హీరోగా రమేశ్ వర్మ తెరకెక్కిస్తోన్న చిత్రం 'ఖిలాడి'. ఇప్పటికే సగానికిపైగా షూటింగ్ పూర్తి చేసుకుందీ సినిమా. కరోనా తీవ్రత తగ్గడం వల్ల ఇటీవలే చిత్రీకరణను తిరిగి ప్రారంభించారు. ఆగస్టు 15న యాక్షన్ కింగ్ అర్జున్ పుట్టినరోజు సందర్భంగా ఆయన ఫస్ట్లుక్ను చిత్రబృందం విడుదల చేసింది.
స్వాతంత్య్ర దినోత్సవం సందర్భంగా వీటితో పాటు అనేక చిత్రాల నుంచి పోస్టర్లు విడుదలయ్యాయి.
ఇదీ చూడండి.. బాలయ్య చేతుల మీదుగా 'కవిసమ్రాట్' ఫస్ట్లుక్
