కథానాయకులను శక్తిమంతమైన ప్రతినాయకులుగా చూపించడం దర్శకుడు బోయపాటి శ్రీనుకే చెల్లింది. ఇప్పటికే 'లెజండ్'తో జగపతిబాబు, 'వినయ విధేయ రామ'తో వివేక్ ఒబెరాయ్, 'సరైనోడు'తో ఆదిపినిశెట్టిని విలన్లుగా మార్చేసి మెప్పించారు. ఇప్పుడిదే పంథాలో మరో హీరోను ప్రతినాయకుడి‌గా మార్చేందుకు సిద్ధమవుతున్నారు.
ప్రస్తుతం నందమూరి బాలకృష్ణతో ఓ సినిమా తీస్తున్నారు. ఇప్పటికే ఓ షెడ్యూల్ను పూర్తి చేసుకుంది. అయితే ఇందులో హీరో శ్రీకాంత్‌ను విలన్గా చూపించాలని అనుకుంటున్నారట. ఇప్పటికే అతడితో చర్చలు జరిపారని సమాచారం. త్వరలో ఈ విషయమై ప్రకటన వచ్చే అవకాశం ఉంది. ఈ చిత్రంలో బాలకృష్ణ రెండు విభిన్న పాత్రల్లో కనిపించనున్నారని, అందులో ఒకటి అఘోరా గెటప్ అని ఇటీవలే జరిగిన ఓ ఇంటర్వ్యూలో వెల్లడించారు బోయపాటి.
ఇదీ చూడండి : 'నాగ్ అశ్విన్ మరో బయోపిక్ తీయడు'
