టాలీవుడ్ బ్యాచ్లర్స్ అంతా ఓ ఇంటి వారు కావడానికి ప్రయత్నిస్తున్నారు. ఇప్పటికే యువ హీరో నితిన్, నిఖిల్లు వారి పెళ్లి విషయాన్ని ప్రకటించారు. తాజాగా అదే బాటలో వెళ్లాడు దగ్గుబాటి హీరో రానా. తను ప్రేమించిన అమ్మాయికి సంబంధించిన ఓ ఫొటోను సామాజిక మాధ్యమాల్లో పంచుకున్నాడు.
ఆ అమ్మాయి పేరు మిహీక బజాజ్. స్వస్థలం హైదరాబాద్. 'డ్యూ డ్రాప్ డిజైన్ స్టూడియో' అనే ఈవెంట్ మేనేజ్మెంట్ కంపెనీ ఫౌండర్ తను. వీరిద్దరూ కొంత కాలంగా ప్రేమలో ఉన్నట్లు తెలుస్తోంది. మొత్తానికి రానా కూడా పెళ్లి పీటలెక్కబోతున్నాడంటూ అభిమానులు కామెంట్లు పెడుతున్నారు.
