బాలీవుడ్ స్టార్ హీరోయిన్ కంగనా రనౌత్, ఆమె సోదరి రంగోలికి మరోసారి సమన్లు జారీ చేశారు ముంబయిలోని బాంద్రా పోలీసులు. నవంబరు 9,10 తేదీల్లో వారిద్దరు విచారణకు హాజరు కావాలని ఆదేశించారు.
అంతకుముందు అక్టోబర్ 26, 27న విచారణకు హాజరుకావాల్సిందిగా కంగనా సిస్టర్స్కు సమన్లు పంపారు పోలీసులు. అయితే అప్పుడు వారిద్దరు గైర్హాజరయ్యారు. వారి సోదరుడి పెళ్లి సందర్భంగా విచారణకు రాలేకపోయారంటూ కంగన తరఫు న్యాయవాది జమీందర్ పోలీసులకు లేఖ ద్వారా విజ్ఞప్తి చేశారు. ఈ నేపథ్యంలోనే వారికి మరోసారి సమన్లు పంపారు ముంబయి పోలీసులు.
ఇందుకే సమన్లు
బాలీవుడ్ ఫిట్నెస్ ట్రైనర్ సయ్యద్.. కంగనా, ఆమె సోదరి రంగోలి చిత్రపరిశ్రమ పేరును దెబ్బతీసే విధంగా వ్యాఖ్యలు చేస్తున్నారని కేసు పెట్టారు. నెపోటిజమ్, డ్రగ్స్, మతపరమైన గొడవలు సృష్టించేలా సోషల్మీడియా వేదికగా మాట్లాడుతున్నారని లేఖలో పేర్కొన్నారు. వారిపై కఠిన చర్యలు తీసుకోవాలని విజ్ఞప్తి చేశారు. ఈ నేపథ్యంలోనే ముంబయి పోలుసులు కంగనా సిస్టర్స్పై కేసు నమోదు చేసి వారిని విచారణకు పిలిచారు.
ఇదీ చూడండి 'సొంతూరిలో షూటింగ్.. అయినా ఇంటికి దూరం'
