Sara ali khan Vijay devarakonda: బాలీవుడ్ యువ హీరోయిన్ సారా అలీఖాన్ టాలీవుడ్ రౌడీహీరో విజయ్దేవరకొండపై ప్రశంసలు కురిపించింది. విజయ్ తన ఫేవరెట్ స్టార్ అని, ఆయనతో కలిసి ఓ సినిమా చేయాలని ఉందని తమ మనసులో మాటను తెలిపింది. సారా నటించిన కొత్త చిత్రం 'అత్రాంగి రే' డిసెంబరు 24న విడుదల కానుంది. ఈ సందర్భంగా ఓ ఇంటర్వ్యూలో పాల్గొన్న ఈ ముద్దుగుమ్మ.. దక్షిణాదిలో ఏ హీరోతో సినిమా చేయాలని ఉందని అడగ్గా.. ఈ విషయాన్ని చెప్పింది. దీంతో పాటే విజయ్ చాలా హాట్గా ఉంటారని చెప్పింది.
కాగా, లైగర్ సినిమా నిర్మాణంలో భాగంగా ప్రొడ్యూసర్ కరణ్ జోహార్ ఇచ్చిన ఓ పార్టీలో విజయ్-సారా కలుసుకున్నారు. ఆ సమయంలో వారిద్దరూ కలిసి దిగిన సెల్ఫీని సారా తన ఇన్స్టాలో పోస్ట్ చేసింది. అప్పుడు అది వైరల్గా మారింది.
ప్రస్తుతం విజయ్ పూరీజగన్నాథ్ దర్శకత్వంలో తెరకెక్కుతున్న 'లైగర్' చిత్రంలో నటిస్తున్నారు. అనన్యా పాండే హీరోయిన్. దిగ్గజ బాక్సర్ మైక్టైసన్ కీలక పాత్రలో కనిపించనున్నారు. ఈ చిత్రంపై అభిమానుల్లో భారీగా అంచనాలు ఉన్నాయి.
ఇదీ చూడండి: విజయ్ దేవరకొండతో సారా 'ఫ్యాన్ మూమెంట్'
