యంగ్ టైగర్ జూ.ఎన్టీఆర్.. త్వరలో బాలీవుడ్ ఎంట్రీ ఇవ్వనున్నాడా? అంటే అవుననే అంటున్నాయి సినీవర్గాలు. ప్రముఖ హిందీ దర్శకుడు సంజయ్ లీలా భన్సాలీ ఈ ప్రాజెక్ట్కు దర్శకత్వం వహించనున్నారట. ఇందులో తారక్తోపాటు స్టార్ హీరో రణ్వీర్ సింగ్ నటించనున్నాడని సమాచారం. ఇప్పటికే ఈ డైరెక్టర్.. ఇద్దరు కథానాయకులతో చర్చలు జరిపారని, త్వరలో పూర్తి వివరాలు తెలియనున్నాయని టాక్.
జూ.ఎన్టీఆర్.. దర్శకధీరుడు రాజమౌళి తెరకెక్కిస్తున్న 'ఆర్ఆర్ఆర్'లో ప్రస్తుతం నటిస్తున్నాడు. అనంతరం త్రివిక్రమ్తో కలిసి పనిచేయనున్నాడు. ఈ రెండూ పూర్తయిన తర్వాతే సంజయ్ చిత్రం సెట్స్పైకి వెళ్లే అవకాశముంది.
'ప‌ద్మావ‌త్', 'భాజీరావ్ మ‌స్తానీ', 'దేవ‌దాస్', 'రామ్ లీలా' వంటి చారిత్రక సినిమాలతో గుర్తింపు తెచ్చుకున్నారు దర్శకుడు సంజయ్ లీలా భన్సాలీ.
