Radhe shyam song: 'రాధేశ్యామ్' నుంచి మరో అప్డేట్ వచ్చేసింది. 'సంచారి' అంటూ సాగే పాట టీజర్ను మంగళవారం మధ్యాహ్నం 1 గంటలకు రిలీజ్ చేయనున్నట్లు వెల్లడించారు. మంచులో స్కేటింగ్ బోర్డ్పై ఉన్న ప్రభాస్ పోస్టర్ను కూడా రిలీజ్ చేశారు.
1970ల నాటి యూరప్ నేపథ్య కథతో 'రాధేశ్యామ్' తెరకెక్కించారు. ప్రభాస్ సరసన పూజా హెగ్డే హీరోయిన్గా చేసింది. అలనాటి హీరోయిన్ భాగ్యశ్రీ కీలకపాత్ర పోషించారు. దక్షిణాదిలో జస్టిన్ ప్రభాకరన్ సంగీతమందించారు. రాధాకృష్ణ కుమార్ దర్శకుడు. యూవీ క్రియేషన్స్-గోపీకృష్ణ మూవీస్ సంయుక్తంగా నిర్మించాయి. జనవరి 14న ప్రపంచవ్యాప్తంగా ఈ సినిమా రిలీజ్ కానుంది.
Gurthunda seethakalam movie: సత్యదేవ్, తమన్నా జంటగా నటిస్తున్న సినిమా 'గుర్తుందా శీతాకాలం'. కన్నడ హిట్ 'లవ్ మాక్టైల్' రీమేక్గా దీనిని తెరకెక్కిస్తున్నారు. రొమాంటిక్ ఎంటర్టైనర్గా తెరకెక్కిన ఈ సినిమా ఫిబ్రవరిలో రిలీజ్ చేయనున్నట్లు చిత్రబృందం వెల్లడించింది. నాగశేఖర్ దర్శకత్వం వహిస్తున్నారు. మిక్కీ జే మేయర్ సంగీతమందిస్తున్నారు.
Venkatesh birthday: విక్టరీ వెంకటేశ్ పుట్టినరోజు సందర్భంగా ఆయన నటిస్తున్న 'రానా నాయుడు' వెబ్ సిరీస్ కొత్త లుక్ విడుదల చేశారు. ఇందులో నెరిసిన జుత్తుతో కనిపిస్తున్న వెంకీ.. అంచనాల్ని పెంచేస్తున్నారు. ఈ సిరీస్ రానా మరో ప్రధాన పాత్రలో నటిస్తుండటం విశేషం.
ఇటీవల ఓటీటీలో 'దృశ్యం 2'తో ప్రేక్షకుల ముందుకు వచ్చిన వెంకటేశ్.. ప్రస్తుతం 'ఎఫ్3' సినిమాలో నటిస్తున్నారు. ఇది ఫిబ్రవరి 25న థియేటర్లలోకి రానుంది. 'ఎఫ్2' చిత్రానికి కొనసాగింపుగా దీనిని తెరకెక్కిస్తున్నారు.
*హీరోయిన్ రెజీనా పుట్టినరోజు సందర్భంగా ఆమె కొత్త సినిమా 'శాకిని డాకిని' ఫస్ట్లుక్ విడుదల చేశారు. ఇందులో నివేదా థామస్తో ఉన్న ఆమె స్టిల్ ఆకట్టుకుంటుంది.
'మిడ్నైట్ రన్నర్స్' అనే కొరియన్ సినిమాకు ఇది రీమేక్. సుధీర్ వర్మ దర్శకత్వం వహిస్తున్నారు. సురేశ్ ప్రొడక్షన్స్, గురు ఫిల్మ్స్, క్రాస్ పిక్చర్స్ సంయుక్తంగా నిర్మిస్తున్నాయి. మిక్కీ జే మేయర్ సంగీతమందించారు.
ఈ సినిమా పోస్టర్పై నెట్ఫ్లిక్స్ అని ఉంది. అయితే ఈ చిత్రాన్ని నేరుగా ఓటీటీలో విడుదల చేస్తారా? తొలుత థియేటర్లలోకి తీసుకొస్తారా అనేది చూడాలి?
ఇవీ చదవండి:
