ఆసీస్​-భారత్​ మ్యాచ్​కు మహేశ్​బాబు..!

ప్రస్తుతం ఎక్కడ చూసినా వరల్డ్‌ కప్‌ ఫీవరే కనిపిస్తోంది. ఈ క్రికెట్‌ పోరును ప్రత్యక్షంగా చూసేందుకు క్రికెట్‌ ప్రియులతో పాటు సినీ ప్రముఖులు కూడా ఎంతో ఆసక్తి చూపిస్తుంటారు. మహేశ్​బాబు ఆదివారం జరగనున్న ఆసీస్​-భారత్​ మధ్య మ్యాచ్​ చూసేందుకు లండన్​ వెళ్లినట్లు తెలుస్తోంది.

క్రికెట్​ బాగా ఇష్టపడే వారిలో మన టాలీవుడ్​ స్టార్లు చాలా మంది ఉన్నారు. టీమిండియా ఎక్కడ మ్యాచ్​లు ఆడినా రెక్కలు కట్టుకొని మరీ అక్కడ వాలిపోతుంటారు. ముఖ్యంగా వెంకటేశ్, మహేశ్​ బాబు, సురేశ్​ బాబు వంటి వారికి క్రికెట్​ అంటే ఎనలేని అభిమానం. ప్రస్తుతం వరల్డ్​టూర్​లో ఉన్న మహేశ్​... ఆదివారం జరగబోయే ఆస్ట్రేలియా-భారత్​ క్రికెట్‌ మ్యాచ్‌ వీక్షించేందుకు కుటుంబ సమేతంగా వెళ్లారని సమాచారం. దీనికి మరింత బలం చేకూరుస్తూ లండన్​లో ఉన్నట్లు ఓ ఫొటోను సోషల్​మీడియాలో పంచుకున్నాడు ప్రిన్స్​ మహేశ్​.

లండన్​లో ఓ రెస్టారెంటులో భార్య పిల్లలతో మహేశ్​బాబు

'వెంకీమామ’ షూటింగ్‌తో బిజీగా ఉన్న వెంకటేష్‌ సైతం మ్యాచ్‌ ప్రత్యక్షంగా చూస్తారని సమాచారం.