ఈ ఏడాది ఓటీటీ(ott release movies telugu 2021) వేదికగా చిన్న, పెద్ద హీరోలకు సంబంధించిన ఎన్నో సినిమాలు విడుదలై సినీప్రియులను అలరించాయి. వాటిలో కొన్ని సూపర్హిట్గా నిలవగా.. మరికొన్ని మిశ్రమ స్పందనను అందుకున్నాయి. ఇంతకీ ఆ చిత్రాలేంటి? అవి ఏ ప్లాట్ఫామ్పై అందుబాటులో ఉన్నాయో ఓ సారి చూసేద్దాం..
నారప్పను చూసి తీరాలప్ప
కమర్షియల్‌ సినిమాలకు టాలీవుడ్‌లో కొదవలేదు. సామాజిక అంశానికి కమర్షియల్‌గా చెప్పడంలో 'నారప్ప'(narappa movie ott platform) విజయం సాధించింది. తమిళ చిత్రానికి రీమేక్‌ అయినప్పటికీ వెంకటేశ్‌ నటనతో కట్టిపడేశాడు. 'నారప్ప'గా వయసుమీరిన పాత్రలో విశ్వరూపం చూపించాడనే చెప్పాలి. థియేటర్లలో విడుదల కావాల్సిన ఈ సినిమా అనివార్య కారణాల వల్ల ఓటీటీలో విడుదలై విజయం సాధించింది. శ్రీకాంత్‌ అడ్డాల దర్శకత్వం వహించారు. ప్రియమణి కథానాయిక. అమెజాన్‌ ప్రైమ్‌లో ఉందీ చిత్రం.
- " class="align-text-top noRightClick twitterSection" data="">
టక్‌ జగదీశ్‌
నాని గతేడాది 'వి' అనే యాక్షన్‌ థ్రిల్లర్‌ను అమెజాన్‌ ప్రైమ్‌లో డైరెక్ట్‌గా విడుదల చేశాడు. 'టక్‌ జగదీశ్‌'ను(Tuckjagadish ott platform) థియేటర్లలో అందించాలనుకున్నారు. కానీ చివరి నిమిషంలో ఓటీటీ బాట పట్టిందీ చిత్రం. స్టైలిష్‌ లుక్‌తో నాని అదరగొట్టాడు. ప్రస్తుత పండగ వాతావరణానికి ఇది సరైన చిత్రం. సినిమా నిండా కుటుంబ భావోద్వేగాలను పండించాడు దర్శకుడు. మిశ్రమ స్పందన లభించినప్పటికీ కుటుంబ ప్రేక్షకులను మెప్పించింది. అమెజాన్‌ ప్రైమ్‌లో స్ట్రీమింగ్‌ అవుతోంది!
- " class="align-text-top noRightClick twitterSection" data="">
కితకితల చోరుడు
సినిమా ఏదైనా అందులో ఎంతో కొంత కొత్తదనం ఉండేలా జాగ్రత్తపడతాడు శ్రీవిష్ణు. అలా ఈ ఏడాది థియేటర్లలో విజయం సాధించిన చిత్రం ‘రాజ రాజ చోర’.(rajaraja chora ott platform) మేఘా ఆకాశ్‌, సునైన హీరోయిన్లుగా చేశారు. కథనంతోనే ఆకట్టుకునే ఈ సినిమాలో వచ్చే కామెడీ సన్నివేశాలు కడుపుబ్బా నవ్విస్తాయి. ఇది బుల్లితెర మీద అలరించేందుకు జీ5లో విడుదలైంది.
- " class="align-text-top noRightClick twitterSection" data="">
థ్రిల్లింగ్‌.. మాస్ట్రో
కమర్షియల్‌, రొమాంటిక్‌ లవ్‌స్టోరీలతో ఆకట్టుకున్న హీరో నితిన్‌. ఈ సారి సరికొత్తగా ప్రేక్షకుల ముందుకొచ్చాడు. హిందీ సూపర్ హిట్ 'అంధాదూన్‌'కు(maestro movie ott platform) ఇది రీమేక్‌. నభా నటేష్‌ హీరోయిన్‌. తమన్నా లేడీ విలన్‌గా నటించారు. ఓ హత్య చుట్టూ జరిగే ఈ సినిమా కథలోని మలుపులు వీక్షకులకు ఊపిరాడనివ్వవు. ప్రస్తుతం డిస్నీ హాట్‌ స్టార్‌లో స్ట్రీమింగ్‌ అవుతోంది.
- " class="align-text-top noRightClick twitterSection" data="">
నవ్వుల రత్నాలు
కరోనా తర్వాత ప్రేక్షకులను థియేటర్లకు రప్పించడంలో 'జాతిరత్నాలు'(jatiratnalu movie ott platform) విజయవంతమైంది. కొవిడ్‌ విలయ తాండవానికి విలవిల్లాడిన జనాలకు కామెడీ టానిక్‌లా పనిచేసిందీ చిత్రం. నవీన్‌ పొలిశెట్టి, ప్రియదర్శి, రాహుల్‌ రామక్రిష్ణ జోగిపేట్‌ నుంచి హైదరాబాద్‌కు వచ్చి చేసిన హంగామాను చూసి తీరాల్సిందే. మీరూ ఆ హాస్యపు జల్లుల్లో తడవాలంటే అమెజాన్‌ ప్రైమ్‌లో ఉంది చూసేయండి.
- " class="align-text-top noRightClick twitterSection" data="">
తిమ్మరుసు న్యాయం
సత్యదేవ్‌ నిజాయతీపరుడైన లాయర్‌ రామ్‌గా నటించిన సినిమా 'తిమ్మరుసు'(timmarusu movie ott platform). ఎనిమిదేళ్ల క్రితం జరిగిన క్యాబ్‌ డ్రైవర్‌ మర్డర్‌ కేసును రామ్‌ రీఓపెన్‌ చేస్తాడు. అప్పటి నుంచి అడుగడుగున ఆటంకాలు ఏర్పడతాయి. ఆ కేసులో శిక్ష ఎవరు అనుభవిస్తున్నారు? తన ప్రయత్నాలకు ఎవరు అడ్డుపడుతున్నారనేది తెలుసుకునే కొద్ది ఉత్కంఠ రేగుతుంది. ఈ థ్రిల్‌ను ఆస్వాదించాలంటే నెట్‌ఫ్లిక్స్‌లో ఉంది చూసేయండి.
- " class="align-text-top noRightClick twitterSection" data="">
నరేశ్‌ నాంది
హాస్య చిత్రాలను చేస్తూ వచ్చిన అల్లరి నరేశ్‌ రూటు మార్చి తీసిన సీరియస్‌ క్రైమ్‌ డ్రామా 'నాంది'(nandi movie ott platform). నటనపరంగా మంచి మార్కులు పడ్డాయి. వరలక్ష్మి శరత్‌ కుమార్‌ కీలక పాత్రలో నటించింది. జైలు శిక్ష అనుభవిస్తున్న ఓ ఖైదీగా నరేశ్‌ నటనకు విమర్శకులు ప్రశంసలు కురిపించారు. ఇది ఆహాలో ఉంది.
- " class="align-text-top noRightClick twitterSection" data="">
ఇదీ చూడండి: ఇండస్ట్రీలో రాజకీయాలు ఎక్కువైపోయాయి: మోహన్బాబు
