నందమూరి బాలకృష్ణ తొలిసారి వ్యాఖ్యాతగా చేస్తున్న టాక్ షో 'అన్స్టాపబుల్ విత్ ఎన్బీకే'. ఇప్పటికే రెండు ఎపిసోడ్లు 'ఆహా' ఓటీటీలో స్ట్రీమింగ్ అవుతున్నాయి. అయితే దీని షూటింగ్ సమయంలో జరిగిన ఆకట్టుకునే క్లిప్పింగ్స్ను అభిమానుల కోసం 'ఆహా' షేర్ చేస్తూ వస్తోంది.
ఈ క్రమంలోనే నాని ఎపిసోడ్కు సంబంధించిన బ్లూపర్స్ వీడియోను 'కొంచెం క్యాండిడ్ కొంచెం నేచురల్' అనే ట్యాగ్లైన్తో గురువారం రిలీజ్ చేసింది. ఇందులో బాలయ్య-నానితో కలిసి చేసిన సందడిని చూపించారు. బాలకృష్ణ చెప్పిన 'అద్దం' డైలాగ్కు అయితే నాని ఓ నిమిషం పాటు షాకయ్యాడు.
బాలయ్యతో సినిమా చేసే ఛాన్స్ వస్తే ఎలాంటి రోల్ ఎంచుకుంటారని నానిని ఓ అభిమాని అడగ్గా.. 'గాడ్ఫాదర్'లో బ్రాండోగా బాలయ్య చేస్తే, తాను అల్ఫాచినో రోల్ చేస్తానని నాని అన్నారు.
బాలకృష్ణ 'అఖండ' డిసెంబరు 2న థియేటర్లలోకి రానుండగా.. ఇందులో బాలయ్య రెండు విభిన్న పాత్రల్లో కనిపించనున్నారు. ప్రగ్యా జైస్వాల్ హీరోయిన్. తమన్ సంగీతమందించారు. బోయపాటి శ్రీను దర్శకుడు.
నాని 'శ్యామ్సింగరాయ్'.. డిసెంబరు 24న ప్రేక్షకుల ముందుకొస్తుంది. ఇందులో నాని ద్విపాత్రాభినయం చేశారు. సాయిపల్లవి, కృతిశెట్టి, మడోన్నా సెబాస్టియన్ హీరోయిన్లుగా నటించారు. మిక్కీ జే మేయర్ సంగీతమందించగా, రాహుల్ సంక్రిత్యాన్ దర్శకత్వం వహించారు.
- " class="align-text-top noRightClick twitterSection" data="">
ఇవీ చదవండి:
