ఈ శుక్రవారం కూడా సినిమాలు సందడి చేసేందుకు సిద్ధమయ్యాయి. అందులో రెండు థియేటర్లలోకి రానుండగా, మరో మూడు ఓటీటీలో రిలీజ్ కానున్నాయి. ఇంతకీ అవేంటి?
థియేటర్లలో ఆ సినిమాలు
తమిళనాడు ముఖ్యమంత్రి జయలలిత జీవితం ఆధారంగా తెరకెక్కిన సినిమా 'తలైవి'. కంగనా రనౌత్ టైటిల్ రోల్లో నటించింది. ఇప్పటికే వచ్చిన ట్రైలర్, పోస్టర్లు చిత్రంపై అంచనాలు పెంచేస్తున్నాయి.
గోపీచంద్, తమన్నా.. కోచ్లుగా నటించిన చిత్రం 'సీటీమార్'. కబడ్డీ నేపథ్య కథతో దీనిని తెరకెక్కించారు. సంపత్ నంది దర్శకత్వం వహించిన ఈ సినిమా.. శుక్రవారమే ప్రేక్షకుల ముందుకు రానుంది. మరి ఈ రెండు చిత్రాలు థియేటర్లలో ఎంతలా అలరిస్తాయో చూడాలి.
ఓటీటీలో మూడు
వినాయక చవితి కానుకగా రెండు సినిమాలు, ఓ వెబ్ సిరీస్.. నెటిజన్ల ముందుకు వచ్చాయి. వీటిలో నాని 'టక్ జగదీష్'(అమెజాన్ ప్రైమ్) ఫ్యామిలీ ఎంటర్టైనర్. సైఫ్అలీఖాన్-అర్జున్ కపూర్ 'భూత్ పోలీస్'(డిస్నీ ప్లస్ హాట్స్టార్) కామెడీ ఎంటర్టైనర్గా తెరకెక్కింది.
బేకరీలో పనిచేసే యువకుడు.. ఓ హీరోయిన్తో ప్రేమలో పడితే ఏం జరుగుతుంది అనే కథతో తీసిన వెబ్ సిరస్ 'ద బేకర్ అండ్ ద బ్యూటీ'(ఆహా). సంతోష్ శోభన్, టీనా ప్రధాన పాత్రల్లో నటించారు.
ఇవీ చదవండి:
