టాలీవుడ్ డిసెంబరు రేసులోకి మరో సినిమా వచ్చింది. నందమూరి కల్యాణ్రామ్ కూడా తన కొత్త సినిమా 'బింబిసార'తో బరిలో నిలిచేందుకు సిద్ధమయ్యారు! ప్రస్తుతం ఈ విషయం ఆసక్తి కలిగిస్తోంది.
డిసెంబరు 2న బాలయ్య 'అఖండ'తో రానున్నారు. స్కైలాబ్(4వ తేదీ), గుడ్లక్ సఖి(10వ తేదీ) అనంతరం థియేటర్లలోకి రానున్నాయి. అల్లు అర్జున్ పాన్ ఇండియా మూవీ 'పుష్ప'.. ఆ తర్వాత వారం ప్రేక్షకుల ముందుకు రానుంది. ఆ తర్వాత డిసెంబరు 24న వరుణ్తేజ్ 'గని', నాని 'శ్యామ్సింగరాయ్'.. విడుదల కానున్నాయి. ఫుల్ ప్యాక్డ్ ఉన్న ఈ షెడ్యూల్లో 'బింబిసార' రిలీజ్ కుదురుతుందా అనేది తెలియాల్సి ఉంది.
టైమ్ ట్రావెల్ సోషియో ఫాంటసీ కథతో తెరకెక్కిన 'బింబిసార'లో కల్యాణ్రామ్.. పౌరాణిక పాత్రలో కనిపించనున్నారు. వశిష్ఠ దర్శకుడిగా పరిచయమవుతున్నారు. చిరంతన్ భట్ సంగీతమందిస్తున్నారు. ఎన్టీఆర్ ఆర్ట్స్ బ్యానర్పై కల్యాణ్రామ్ స్వయంగా నిర్మిస్తున్నారు.
ఇది చదవండి: సంక్రాంతి కంటే ముందే పండగ.. డిసెంబరులో 'సినిమా'ల ధమాకా
