Puri Jagannadh PanWorld movie: దర్శకుడు పూరీ జగన్నాథ్ గురించి ఓ ఆసక్తికర వార్త ప్రస్తుతం జోరుగా ప్రచారం సాగుతోంది. ప్రస్తుతం 'లైగర్' చిత్రంతో బిజీగా ఉన్న ఆయన ఓ అంతర్జాతీయ ప్రాజెక్ట్ను రూపొందించేందుకు సన్నాహాలు చేస్తున్నారని తెలుస్తోంది. ఛార్మితో కలిసి దీనిని నిర్మిస్తారని సమాచారం. 'లైగర్' తర్వాత ఆయన తన డ్రీమ్ ప్రాజెక్ట్ 'జనగణమన' సినిమాను తెరకెక్కించనున్నారు పూరీ. ఈ మూవీ తర్వాత ఆ పాన్ వరల్డ్ ప్రాజెక్ట్ను ఆయన రూపొందిస్తారని సినీవర్గాల సమాచారం. మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి ఉండాల్సిందే.
హృతిక్ చిల్
Hrithik rohsan lover: బాలీవుడ్ స్టార్ హృతిక్ రోషన్ యువ హీరోయిన్ సబా ఆజాద్తో రిలేషన్షిప్లో ఉన్నాడంటూ గత కొద్ది రోజులుగా ప్రచారం సాగుతోంది. వీరిద్దరూ కలిసి పలు రెస్టారెంట్, హోటళ్లలో కెమెరా కంటికి చిక్కుతున్నారు. అయితే తాజా సబాను తన ఇంటికి లంచ్కు తీసుకెళ్లారు హృతిక్. తన కుటుంబసభ్యులతో కలిసి ఎంజాయ్ చేశారు. దీనికి సంబంధించిన ఫొటోను హీరో అంకుల్ రాజేశ్ రోషన్ ఇన్స్టాలో పోస్ట్ చేశారు. 'సంతోషం అనేది ఎల్లప్పుడూ మన చుట్టూనే ఉంటుంది మరీ ముఖ్యంగా ఆదివారం, అందులోనూ మధ్యాహ్న భోజన సమయంలో' అని వ్యాఖ్య జోడించారు. 'అవును చాచా' అని హృతిక్ బదులిచ్చారు.
ఇదీ చూడండి: ఈ హీరోయిన్.. బికినీ పోజులతో పరేషాన్ చేస్తోందిగా!
