Unstoppable with nbk promo: 'ఆర్ఆర్ఆర్' డైరెక్టర్ రాజమౌళి, సంగీత దర్శకుడు కీరవాణి.. నందమూరి బాలకృష్ణ అ'న్స్టాపబుల్ విత్ ఎన్బీకే' టాక్ షోలో సందడి చేశారు. అందుకు సంబంధించిన ప్రోమో ఇప్పుడు అభిమానుల్ని అలరిస్తోంది.
'మీరు ఇంటెలిజెంట్, అచీవర్ అని అందరికీ తెలుసు.. మరి ఎందుకు ఈ తెల్ల గడ్డం', 'మన కాంబినేషన్లో సినిమా ఎప్పుడు?', 'మీతో సినిమా చేస్తే హీరోకు, ఇండస్ట్రీకి హిట్ ఇస్తారు. ఆ తర్వాత రెండు సినిమాలు ఫసకేగా' అని రాజమౌళిని బాలయ్య అడిగారు. దీనికి ప్రతిగా సమాధానాలన్నీ ఎపిసోడ్లోనే చెబుతానంటూ రాజమౌళి క్లారిటీ ఇచ్చారు.
'అఖండ'తో ఇటీవల ప్రేక్షకుల ముందుకొచ్చిన బాలయ్య.. బాక్సాఫీసు దుమ్మురేపారు. 10 రోజుల్లోనే రూ.100 కోట్లు వసూళ్లు సాధించి అదరగొట్టారు. ఈ సినిమాలోని బాలయ్య ఆహార్యం, బోయపాటి డైరెక్షన్, తమన్ బ్యాక్గ్రౌండ్ మ్యూజిక్ అభిమానుల్ని ఇప్పటికీ అలరిస్తున్నారు.
మరోవైపు రాజమౌళి 'ఆర్ఆర్ఆర్' సినిమాతో ప్రేక్షకుల ముందుకు రానున్నారు. జనవరి 7న ప్రపంచవ్యాప్తంగా ఈ చిత్రం థియేటర్లలోకి రానుంది. ఇందులో రామ్చరణ్ అల్లూరి సీతారామరాజుగా, ఎన్టీఆర్ కొమరం భీమ్గా నటించారు. అజయ్ దేవ్గణ్, సముద్రఖని, శ్రియ తదితరులు కీలకపాత్రలు పోషిస్తున్నారు. కీరవాణి సంగీతమందించారు. డీవీవీ దానయ్య రూ.450 కోట్ల బడ్జెట్తో నిర్మించారు.
- " class="align-text-top noRightClick twitterSection" data="">
ఇవీ చదవండి:
