Jio AirFiber Plans And Airtel Xstream Fiber Plans : భారతదేశంలో నేడు 5జీ ఎరా నడుస్తోంది. అందుకే ప్రముఖ టెలికాం కంపెనీలు అన్నీ యూజర్లను అకట్టుకునేందుకు.. పలు స్పెషల్ ఫీచర్లతో డేటా ప్లాన్లను అందించడానికి పోటీ పడుతున్నాయి. ముఖ్యంగా రిలయన్స్ జియో, ఎయిర్టెల్లు ఈ రేసులో ముందున్నాయి. తమ ఎయిర్ఫైబర్ డేటా ప్లాన్లపై.. పూర్తి ఉచితంగా నెట్ఫ్లిక్స్, అమెజాన్ ప్రైమ్, డిస్నీ-హాట్ స్టార్, సోనీ లివ్, జీ5 సహా పలు ఓటీటీ సబ్స్క్రిప్షన్లను అందిస్తున్నాయి. మరెందుకు ఆలస్యం ఆ ప్లాన్స్పై ఓ లుక్కేద్దాం రండి.
Jio AirFiber Plans : రిలయన్స్ జియో తమ యూజర్ల కోసం సరికొత్త ఎయిర్ఫైబర్ ప్యాకేజ్లను తీసుకొచ్చింది. ఈ డేటా ప్యాకేజ్ల ద్వారా తమ యూజర్లకు నెట్ఫ్లిక్స్, అమెజాన్ ప్రైమ్, డిస్నీ-హాట్స్టార్ లాంటి ప్రీమియం సబ్స్క్రిప్షన్స్ను పూర్తి ఉచితంగా అందిస్తోంది. అవి ఏమిటంటే..
Jio AirFiber 1199 Plan :
- ఈ నెలవారీ ప్లాన్ తీసుకున్నవారికి 100 Mbps స్పీడ్తో ఇంటర్నెట్ సౌకర్యం లభిస్తుంది.
- 550+ డిజిటల్ ఛానల్స్ ఉచితంగా చూడవచ్చు.
- నెట్ఫ్లిక్స్, ప్రైమ్ వీడియో, డిస్నీ-హాట్స్టార్, జియో సినిమా ప్రీమియం లాంటి పలు ఓటీటీ ప్లాట్ఫాంల్లోని కంటెంట్ను ఉచితంగా చూడవచ్చు.
Jio AirFiber Max 1499 Plan :
- ఈ 30 రోజుల ప్లాన్ తీసుకున్నవారికి 300 Mbps స్పీడ్తో ఇంటర్నెట్ ఫెసిలిటీ కల్పిస్తారు. అయితే ప్రస్తుతం దీన్ని కొన్ని ఎంపిక చేసిన ప్రాంతాల్లో మాత్రమే అందుబాటులోకి తెచ్చారు.
- 550+ డిజిటల్ ఛానల్స్ ఫ్రీగా వీక్షించవచ్చు.
- నెట్ఫ్లిక్స్ బేసిక్, ప్రైమ్ వీడియో, డిస్నీ-హాట్స్టార్, సోనీ లివ్, జీ5 సహా ఇతర ఓటీటీ సబ్స్క్రిప్షన్లను ఫ్రీగా పొందవచ్చు.
Jio AirFiber Max 2499 Plan :
- ఈ నెలవారీ ప్లాన్ తీసుకున్నవారికి 500 Mbps సూపర్ స్పీడ్తో ఇంటర్నెట్ ఫెసిలిటీ కల్పిస్తారు.
- ఫ్రీగా 550+ డిజిటల్ ఛానల్స్ చూడవచ్చు.
- నెట్ఫ్లిక్స్ స్టాండర్డ్, ప్రైమ్ వీడియో, డిస్నీ-హాట్స్టార్, సోనీ లివ్, జీ5 సహా ఇతర ఓటీటీ ప్లాట్ఫాం సబ్స్క్రిప్షన్లను ఉచితంగా అందిస్తారు.
Jio AirFiber Max 3999 Plan :
- ఈ 30 రోజుల ప్లాన్ తీసుకున్నవారికి 1 Gbps సూపర్ స్పీడ్తో ఇంటర్నెట్ సౌకర్యం లభిస్తుంది.
- 550+ డిజిటల్ ఛానల్స్ ఉచితంగా వీక్షించవచ్చు.
- నెట్ఫ్లిక్స్ ప్రీమియం , ప్రైమ్ వీడియో, డిస్నీ-హాట్స్టార్, సోనీ లివ్, జీ5 సహా వివిధ ఓటీటీ ప్లాట్ఫాం సబ్స్క్రిప్షన్లను ఫ్రీగా పొందవచ్చు.
జియో ఎయిర్ఫైబర్ ఎక్కడ అందుబాటులో ఉంది?
ప్రస్తుతం దేశంలోని 262 నగరాల్లో ఈ జియో ఎయిర్ఫైబర్ అందుబాటులో ఉంది. ముఖ్యంగా తెలంగాణ, ఆంధ్రప్రదేశ్, గుజరాత్, మహారాష్ట్ర, బంగాల్, కర్నాటక, తమిళనాడు, దిల్లీల్లో ఈ జియో ఎయిర్ఫైబర్ అందుబాటులో ఉంది. ఆంధ్రప్రదేశ్ విషయానికి వస్తే.. విజయవాడ, తిరుపతి, విశాఖపట్నంలో ఇది అందుబాటులోకి వచ్చింది. త్వరలోనే ఈ ఫెసిలిటీని మిగతా నగరాలకు కూడా విస్తరించడానికి జియో ప్రయత్నిస్తోంది.
ఎయిర్టెల్ ఎక్స్స్క్రీమ్ ఫైబర్ ప్లాన్స్
Airtel Xstream Fiber Plans : ఎయిర్టెల్ ప్రస్తుతానికి ఒకే ఒక Xstream AirFiber Planను అందుబాటులోకి తెచ్చింది. 100 Mbps స్పీడ్తో 3.3 TB పరిమితితో ఈ ప్లాన్ లభిస్తుంది. దీనిని తీసుకోవాలంటే సెక్యూరిటీ డిపాజిట్ కింద రూ.2500 చెల్లించాల్సి ఉంటుంది. 6 నెలల వ్యాలిడిటీ ఉండే ఈ ప్లాన్ ధర రూ.7,337. అయితే దీనిలోనే సెక్యూరిటీ డిపాజిట్ రూ.2500 కలిసి ఉంటుంది. అయితే ప్రస్తుతం ఈ ప్లాన్ భారతదేశంలోని ఒకే ఒక నగరంలో అందుబాటులో ఉంది. ఈ ప్లాన్లో మనకు 20+ ఓటీటీ యాప్స్ ఫ్రీగా లభిస్తాయి.
రూ.15వేలకే ల్యాప్టాప్ - 'క్లౌడ్'తో రిలయన్స్ జియో మేజిక్ - మార్కెట్లోకి ఎప్పుడు వస్తుందంటే?
