ప్రభుత్వ ఉద్యోగాల పేరుతో నిరుద్యోగుల వద్ద నుంచి లక్షలు కాజేస్తున్న ముఠాను విశాఖ పోలీసులు అరెస్ట్ చేశారు. నిందితులు ముగ్గురు కూడా సీఐఎస్ఎఫ్ కానిస్టేబుళ్లుగా పని చేస్తున్నారు. పోలీసులు చెప్పిన వివరాల ప్రకారం... విశాఖకు చెందిన ఓ వ్యక్తి వద్ద నుంచి ప్రభుత్వ ఉద్యోగం పేరుతో పలు దఫాలుగా 9 లక్షల రూపాయలను వసూలు చేశారు. అయితే ఈ బాధితుడికి విశాఖ స్టీల్ ప్లాంట్లో స్వతహాగా ఉద్యోగం వచ్చింది. ఈ క్రమంలో ఈ ముగ్గురి కానిస్టేబుళ్ల వ్యవహారంపై సీఐఎస్ఎఫ్ ఉన్నతాధికారులకు ఫిర్యాదు చేశాడు. శాఖ సంబంధిత విచారణ చేపట్టగా ముగ్గురు కానిస్టేబుళ్లను సీఐఎస్ఎఫ్ అధికారులు సస్పెండ్ చేశారని డీసీపీ ఐశ్వర్య రస్తోగి తెలిపారు.
ఈ ముఠా చేతిలో 38 మంది వరకు మోసపోయినట్లుగా ప్రాథమికంగా గుర్తించామని చెప్పారు. మధ్యప్రదేశ్లో నకిలీ పరీక్ష నిర్వహించి...కొందరికీ నియామక పత్రాలను కూడా ఇచ్చినట్లు తెలిసిందని వివరించారు. ముగ్గురు నిందితులైన మనోజ్, వెంకటరమణ, హరిబాబు... హైదరాబాద్లోని ఓ జాబ్ కోచింగ్ సెంటర్లలో పరిచయమైన వారందర్నీ మోసగించిట్లు దర్యాప్తులో తేలిందని పేర్కొన్నారు. ఇలాంటి ముఠాల పట్ల నిరుద్యోగులు జాగ్రత్తగా ఉండాలని డీసీపీ రస్తోగి హెచ్చరించారు. కష్టపడి చదవితేనే ఉద్యోగాలు వస్తాయని స్పష్టం చేశారు.
ఇదీ చదవండి
లైవ్ వీడియో: డబ్బులు ఇవ్వలేదని వ్యక్తిని చితకబాదిన క్రికెట్ బుకీలు
