తెలంగాణ పోలీసులపై పూల వర్షం

యావద్దేశానికి తీవ్ర ఆవేదన కలిగించిన దిశ హత్యాచారం కేసులో నిందితుల ఎన్​కౌంటర్​పై షాద్​నగర్​ వాసులు హర్షం వ్యక్తం చేశారు. జై పోలీస్​... సజ్జనార్​ జిందాబాద్​ అంటూ నినాదాలు చేశారు.

దిశ హత్యాచారం కేసులో నలుగురు నిందితులను ఎన్​కౌంటర్​ చేసిన తెలంగాణ పోలీసులపై ప్రశంసల జల్లు కురుస్తోంది. జై తెలంగాణ పోలీస్​... సజ్జనార్​ జిందాబాద్​ అంటూ నినాదాలు వెల్లువెత్తుతున్నాయి.

రంగారెడ్డి జిల్లా షాద్​నగర్​ వాసులు తెలంగాణ పోలీసులను ప్రశంసిస్తూ నినదించారు. చటాన్​పల్లి వంతెన పైనుంచి పోలీసులపై పూల వర్షం కురిపించారు. పోలీసు అధికారులకు మిఠాయిలు తినిపించారు.