Pakistan Air Strike on Afghanistan: అఫ్గానిస్థాన్లోని ఖోస్ట్, కునార్ ప్రావిన్సుల్లోని వివిధ ప్రాంతాలపై పాకిస్థాన్ వైమానిక దాడులు జరిపింది. శుక్రవారం రాత్రి జరిగిన ఈ ఘటనలో 40 మందికిపైగా ప్రాణాలు కోల్పోయారు. ఈ విషయాన్ని స్థానిక మీడియా వెల్లడించింది. అఫ్గాన్లో తాలిబన్లు అధికారం చేపట్టాక పాకిస్థాన్ దాడులు చేపట్టడం ఇదే తొలిసారి' అని తెలిపింది.
ఆ ప్రాంతంలో దాడులు జరిగినట్లు స్థానిక అధికారులు కూడా నిర్ధరించారు. దాడులకు బలైన వారిలో చిన్నారులు కూడా ఉన్నట్లు తెలిసింది. ఈ దాడులను ఖండిస్తున్నట్లు తాలిబన్లు ప్రకటించారు. "ఘటనపై వివరణ ఇవ్వాల్సిందిగా పాక్ రాయబారి మన్సూర్ అహ్మద్ ఖాన్కు సమన్లు జారీ చేశాం" అని ఆ దేశ విదేశాంగ శాఖ పేర్కొంది.
ఇదీ చూడండి : ఉక్రెయిన్కు అమెరికా ఆయుధాలు.. రష్యా స్ట్రాంగ్ వార్నింగ్
