అంతర్జాతీయ వార్తా సంస్థ సీఎన్ఎన్ నెట్‌వర్క్‌పై అమెరికా మాజీ అధ్యక్షుడు డొనాల్డ్‌ ట్రంప్ పరువు నష్టం కేసు దాఖలు చేశారు. తన పరువుకు CNN నెట్వర్క్ భంగం కలిగించిందని, అందుకు 475 మిలియన్ డాలర్లు(సుమారు 3వేల900 కోట్ల రూపాయలుః పరిహారం కోరుతూ దావా వేశారు. ఈ మేరకు 29 పేజీలతో కూడిన దావాను ట్రంప్ తరఫు న్యాయవాదులు ఫ్లోరిడాలోని యూఎస్ డిస్ట్రిక్ట్‌ కోర్టులో సమర్పించారు.
తనను ఒక పెద్ద మోసకారిగా సీఎన్ఎన్ చిత్రీకరిస్తోందని ట్రంప్ ఆరోపించారు. 2021 జనవరి నుంచి 7వేల 700సార్లు తనను అబద్ధపు మోసకారిగా ఆ మీడియా సంస్థ అభివర్ణించిందని వ్యాజ్యంలో పేర్కొన్నారు. 2024 అమెరికా అధ్యక్ష ఎన్నికల్లో తాను మళ్లీ పోటీ చేస్తానని భయపడి.. ఇటీవల తనపై సీఎన్ఎన్ దాడిని పెంచిందని ఆరోపించారు.
సీఎన్ఎన్పై ట్రంప్ గతంలో అనేక సార్లు ఇలాంటి ఆరోపణలే చేశారు. తనకు వ్యతిరేక వైఖరి అవలంబిస్తుందని చెప్పారు. 2016 అధ్యక్ష ఎన్నికల సమయంలో సీఎన్ఎన్ను పదేపదే "క్లింటన్ న్యూస్ నెట్వర్క్"గా అభివర్ణించేవారు ట్రంప్. తన ప్రత్యర్థి హిల్లరీ క్లింటన్కు అనుకూలంగా వ్యవహరిస్తోందని అర్థం వచ్చేలా ఈ విమర్శలు చేసేవారు.
