బ్రిటన్కు చెందిన నాలుగేళ్ల చిన్నారి అరుదైన ఘనత సాధించింది. అతి చిన్న వయస్సులో హై ఐక్యూ ఉన్న చిన్నారిగా 'మెన్సా మెంబర్షిప్ క్లబ్'లో చోటు సంపాందించింది. ఏడాదిన్నర వయస్సు రాక ముందే... ఆంగ్ల అక్షరాలను నేర్చేసుకుంది. బర్మింగ్హమ్లో నివసిస్తున్న ఆ చిన్నారి పేరు దయాల్ కౌర్.
కరోనా వ్యాప్తి నేపథ్యంలో విధించిన లాక్డౌన్ కారణంగా మెన్సా పరీక్షను ఆన్లైన్ వేదికగా నిర్వహించారు. ఈ పరీక్షలో పాల్గొన్న దయాల్.. 145 ఐక్యూ స్కోర్ సంపాందించి బ్రిటన్లో అత్యధిక ఐక్యూ ఉన్న వారి సరసన చేరింది. తమ కూతురు సాధించిన ఈ ఘనతపై దయాల్ తల్లిదండ్రులు ఆనందం వ్యక్తం చేశారు.
"తల్లిదండ్రులుగా దయాల్ చాలా తెలివైందని మేం భావిస్తాం. కానీ, ఇప్పుడు అది అధికారకంగా రుజువైంది. దయాల్... లక్షల్లో ఒకరిగా ఈ ఘనత సాధించడం ఆనందంగా ఉంది."
-సర్బ్జీత్ సింగ్, దయాల్ తండ్రి.
మెన్సా క్లబ్లో దయాల్ను చేర్చడంపై బ్రిటిష్ మెన్సా ఛీఫ్ ఎగ్జిక్యూటివ్ జాన్ స్టెవెనాగె హర్షం వ్యక్తం చేశారు. ఈ క్లబ్లో 2000మంది చిన్నారులు ఉన్నట్లు ఆయన తెలిపారు. రానున్న రోజుల్లో దయాల్ మరిన్ని ఘనతలు సాధించాలని ఆశాభావం వ్యక్తం చేశారు.
ఇదీ చదవండి:'ఇండో-ఫసిఫిక్లో అమెరికా వ్యూహానికి 'క్వాడ్' పునాది'
