పాపం పాక్​.. ప్రభుత్వ ఉద్యోగులకే జీతాలివ్వలేని దుస్థితి!

Pak Economy Collapse: 'మాకు 3 నెలల నుంచి జీతాలు ఇవ్వడం లేదు' అని సెర్బియాలోని పాక్​ రాయబార కార్యాలయం నుంచి ఓ ట్వీట్​ బయటకొచ్చింది. వైరల్​గా మారిన కొద్దిసేపటికే ఆ ట్వీట్​ అదృశ్యమైంది. ఈ పూర్తి వ్యవహారంపై పాక్​ ప్రభుత్వం స్పందించింది. పాక్​ రాయబార కార్యాలయానికి చెందిన ట్విట్టర్​, ఫేస్​బుక్​, ఇన్​స్టా ఖాతాలు హ్యాక్​ అయినట్టు తెలిపింది. దీనిపై నెటిజన్లు ట్రోల్​ చేస్తున్నారు.

Pak Economy Collapse: సెర్బియాలోని పాకిస్థాన్​ రాయబార కార్యాలయం ఖాతా నుంచి వచ్చిన ఓ ట్వీట్​ ఇప్పుడు సర్వత్రా చర్చనీయాంశమైంది. ప్రధాని ఇమ్రాన్​ఖాన్​ ప్రభుత్వం తమకు మూడు నెలల నుంచి జీతాలు ఇవ్వడం లేదని అక్కడి సిబ్బంది ఆవేదన వ్యక్తం చేస్తున్నట్లుగా ఆ పోస్ట్ ఉంది. సామాజిక మాధ్యమాల్లో ఈ ట్వీట్​ నిమిషాల్లో వైరల్​గా మారిపోయింది. ఆ తర్వాత కొద్దిసేపటికే.. పాక్​ రాయబార కార్యాలయం ఖాతా నుంచి ఆ ట్వీట్​ అదృశ్యమైంది. ఈ పూర్తి వ్యవహారంపై ట్రోల్స్​ వెల్లువెత్తుతున్నాయి.

ట్వీట్​లో ఏముందంటే..

పాకిస్థాన్​ ఆర్థిక పరిస్థితులు అత్యంత దారుణంగా ఉన్నాయన్న విషయం ప్రపంచ దేశాలు తెలిసినదే. అందుకు తగ్గట్టుగానే ఈ ట్వీట్​ కూడా ఉంది.

సెర్బియాలోని పాక్​ రాయబార కార్యాలయం ట్వీట్​

"ద్రవ్యోల్బణం రికార్డు స్థాయిల్లో పెరిగిపోయింది. మూడు నెలలుగా మాకు జీతాలివ్వడం లేదు. ఇంకెంత కాలం నిశ్శబ్దంగా ఉండాలి ప్రధాని ఇమ్రాన్​ ఖాన్​? పిల్లల ఫీజులు కూడా కట్టుకోలేని పరిస్థితి. వాళ్ల స్కూళ్లకు వెళ్లలేకపోతున్నారు. సమస్యను బహిరంగంగా లేవనెత్తడం తప్ప నా దగ్గర వేరే ఆప్షన్​ లేదు. క్షమించండి."

--- సెర్బియాలోని పాక్​ రాయబార కార్యాలయం ట్వీట్​

Pakistan embassy Serbia twitter: ఈ ట్వీట్​కు ఇమ్రాన్​ఖాన్​ ట్విట్టర్​ ఖాతాను ట్యాగ్​ చేసింది రాయబారి కార్యాలయం. 'ఆప్​ నే గబ్రానా నహీ(మీరు ఆందోళన చెందాల్సిన అవసరం లేదు)..' అని గతంలో ఇమ్రాన్​ అన్న మాటలతో వ్యంగ్యంగా రూపొందించిన ఓ వీడియోను తన ట్వీట్​కు జతచేసింది. 'పిల్లల చదువుకు ఫీజులు కట్టలేకపోతున్నాము.. నిత్యావసరాల ధరలు భగ్గుమంటున్నాయి.. జీతాలివ్వడం లేదు.. ఇక ఆందోళన చెందకుండా ఎలా ఉంటాము?' అని ఆ వీడియోలో ప్రశ్నించింది.

• Ideally made in honour of @ImranKhanPTI . He must be real proud hearing this. After all this is his daily advice to all Pak folks pic.twitter.com/pvsfQiGuPA

  — Maj Gen Harsha Kakar (@kakar_harsha) December 3, 2021 " class="align-text-top noRightClick twitterSection" data="

  Ideally made in honour of @ImranKhanPTI . He must be real proud hearing this. After all this is his daily advice to all Pak folks pic.twitter.com/pvsfQiGuPA

  — Maj Gen Harsha Kakar (@kakar_harsha) December 3, 2021

  ">

  Ideally made in honour of @ImranKhanPTI . He must be real proud hearing this. After all this is his daily advice to all Pak folks pic.twitter.com/pvsfQiGuPA

  — Maj Gen Harsha Kakar (@kakar_harsha) December 3, 2021

పాక్​ స్పందన ఇలా..

ఆ ట్వీట్​ వైరల్​గా మారిన కొద్దిసేపటికే.. పాకిస్థాన్​ ప్రభుత్వం స్పందించింది. పాక్​ రాయబార కార్యాలయానికి చెందిన ఇన్​స్టాగ్రామ్​, ట్విట్టర్​, ఫేస్​బుక్​ ఖాతాలు హ్యాకింగ్​కు గురైనట్టు ఓ ప్రకటన చేసింది. రాయబార కార్యాలయానికి చెందిన సిబ్బంది.. ఆ ట్వీట్లు చేయలేదని పేర్కొంది. ఈ వ్యవహారంపై దర్యాప్తు చేపట్టినట్టు స్పష్టం చేసింది.

నెట్​లో ట్రోల్స్​..

పాకిస్థాన్​ పరిస్థితి, రాయబార కార్యాలయానికి చెందిన ట్వీట్​పై ట్రోల్స్​ వేస్తున్నారు నెటిజన్లు. 'పాపం పాక్​', 'ఇమ్రాన్​ఖాన్​ హామీనిచ్చిన నయా పాక్​ అంటే ఇదేనా,' అంటూ కామెంట్లు పెడుతున్నారు.

ఆర్థిక సంక్షోభంలో పాక్​..

చరిత్రలో ఎన్నడూ లేనంత ఆర్థిక సంక్షోభాన్ని పాక్​ ప్రస్తుతం ఎదుర్కొంటోంది. ఇమ్రాన్​ ప్రభుత్వానికి విదేశీ అప్పులు భారీగా పెరిగిపోయాయి. వీదేశీ అప్పులు ఎక్కువగా ఉన్న తొలి 10 దేశాల్లో పాక్​ చేరినట్టు ఇటీవలే ప్రపంచ బ్యాంకు ప్రకటించింది.

పాకిస్థాన్​లో లీటరు పెట్రోలు రూ. 145 వద్ద ఉంది. ద్రవ్యోల్బణం 11.5శాతంగా ఉంది.

'నయా పాకిస్థాన్​' నినాదంతో 2018 ఆగస్టులో అధికారాన్ని చేపట్టారు ఇమ్రాన్​ఖాన్​. అప్పుడు ఆయనకు స్వాగతం పలికిన ప్రజలు.. ఇప్పుడు అదే 'నయా పాక్​' నినాదంపై జోకులు వేసుకోవడం మొదలుపెట్టారు. 'మీ నయా పాక్​ మాకు వద్దు.. కనీసం మా పాత పాకిస్థాన్​ను మాకు తిరిగి ఇచ్చేయండి' అని అంటున్నారు.

ఇదీ చూడండి:- మనోళ్లు భారత్​ను చూసి నేర్చుకోవాలి: పాక్ ప్రధాని