ఓ వైపు భారత్తో సరిహద్దులో ఉద్రిక్తతలు తగ్గించేందుకు చర్చలు జరుగుతున్న తరుణంలో చైనా దూకుడుగా ప్రవర్తిస్తోంది. సరిహద్దులోని వెస్టర్న్ థియేటర్ కమాండ్ బలగాలకు కొత్త కమాండర్ను నియమించింది. నెల రోజులుగా నెలకొన్న ప్రతిష్టంభనకు తెరదించేందుకు శనివారం(జూన్ 6న) ఇరు దేశాల సైనికాధికారుల మధ్య భేటీకి ముందు ఈ చర్య.. చర్చనీయాంశంగా మారింది.
లెఫ్టినెంట్ జనరల్ జు క్విలింగ్ను కొత్త కమాండర్గా నియమించినట్లు పీపుల్స్ లిబరేషన్ ఆర్మీ (పీఎల్ఏ) తన అధికారిక వెబ్సైట్ ద్వారా తెలియజేసింది.
ఈ కమాండ్ వాస్తవాధీన రేఖకు సుమారు 3,488 కిలోమీటర్ల దూరం ఉంటుంది. జనరల్ జావో జోంగ్కి నాయకత్వం వహించే ఈ కమాండ్లో సైన్యం, వైమానిక దళాలు ఉన్నాయి.
