పాకిస్థాన్​లో పేలుడు- ఏడుగురు మృతి

పాకిస్థాన్​లోని పేషావర్​లో జరిగిన పేలుడు ఘటనలో ఏడుగురు మృతిచెందారు. మరో 70మంది తీవ్రంగా గాయపడ్డారు. ఘటనకు గల కారణాలు ఇంకా తెలియరాలేదని అధికారులు వెల్లడించారు.

పాకిస్థాన్​ పేషావర్​లోని ఓ శిక్షణా కేంద్రంలో పేలుడు సంభవించింది. ఈ ఘటనలో ఏడుగురు మృతిచెందగా మరో 70మంది గాయపడ్డారు. వీరిలో చిన్నారులు కూడా ఉన్నట్టు సమాచారం. క్షతగాత్రుల్లో చాలా మంది పరిస్థితి విషమంగా ఉన్నట్టు తెలుస్తోంది.

ఘటనాస్థలానికి చేరుకున్న అధికారులు సహాయక చర్యలను ముమ్మరం చేశారు. బాధితులను సమీప ఆసుపత్రికి తరలించారు. అయితే ఘటనకు గల కారణాలు ఇంకా తెలియరాలేదని పోలీసులు చెప్పారు.

ఇదీ చూడండి:- అమెరికాలో కార్చిచ్చు విధ్వంసం- 500 ఎకరాలు దగ్ధం!