శ్వాస మార్గం ద్వారా వ్యాక్సినేషన్​

శ్వాసమార్గం ద్వారా శరీరానికి టీకా అందించే సరికొత్త విధానాన్ని అభివృద్ధి చేశారు అమెరికన్​ శాస్త్రవేత్తలు. ఈ పద్ధతి ద్వారా వ్యాక్సిన్​ ఇవ్వడం వల్ల.. ఊపిరితిత్తులకు, శ్వాసవ్యవస్థకు ఎలాంటి హాని ఉండదని చెప్పారు.

శ్వాసమార్గం ద్వారా శరీరంలోకి వ్యాక్సిన్​ను పంపే సరికొత్త విధానాన్ని అమెరికా శాస్త్రవేత్తలు ఆవిష్కరించారు. దీనివల్ల ఊపిరితిత్తులకు, శ్వాస వ్యవస్థకు ఎలాంటి హాని ఉండదని వారు చెబుతున్నారు. ఇప్పటికే ఎలుకలపై చేసిన ప్రయోగాలు విజయవంతమయ్యాయని.. కొవిడ్​-19 వంటి రుగ్మతల చికిత్సకూ ఈ విధానం అనువుగా ఉంటుందని విశ్వాసం వ్యక్తం చేస్తున్నారు పరిశోధకులు.

సాధారణంగా వ్యాక్సిన్​ వేయించుకున్న తర్వాత శరీరంలో ప్రతికూలతలు ఏర్పడటం సహజం. శరీరంలో జరిగే మార్పుల కారణంగా కొన్నిసార్లు ఇబ్బందులు ఎదురవుతుంటాయి. అయితే.. శ్వాసమార్గం ద్వారా టీకా ఇవ్వడం వల్ల ఔషధ పనితీరు మెరుగ్గా పనిచేస్తుంది. అంతేకాకుండా వ్యాక్సిన్​ ప్రతికూలతలూ తగ్గుతాయని పరిశోధకులు చెబుతున్నారు.

"కొవిడ్​, క్షయ, ఎబోలా, పొంగు తదితర వ్యాధి కారకాలను నిరోధించేందుకు శ్వాసమార్గం ద్వారా వ్యాక్సిన్​, చికిత్స అందించడం మేలు. కానీ.. పరికరాలు లేనందున ఈ విధానం ప్రాచుర్యం పొందలేదు. ఈ పద్ధతిలో సులభ వ్యాక్సినేషన్​ కోసం ఫేజ్​ పార్టికల్స్​ను రూపొందించాం. వీటి ద్వారా ప్రొటీన్​ను ఇచ్చి చూశాం. ఎలుకలపై నిర్వహించిన ప్రయోగాలు విజయవంతం అయ్యాయి. వ్యాక్సిన్​ పనితీరు మెరుగ్గా ఉంటుంది."

- వాదిహ్​ అరాప్​, రట్గర్స్​ క్యాన్సర్​ ఇన్​స్టిట్యూట్​ పరిశోధకులు

ఇదీ చదవండి: టైమ్స్​ 'హీరోస్​​ ఆఫ్​ 2020'లో భారతీయ-అమెరికన్​