అమెరికా పర్యటనలో ఉన్న సీడీఎస్ బిపిన్ రావత్.. యూఎస్ ఛైర్మన్ ఆఫ్ జాయింట్స్ చీఫ్స్ జనరల్ మార్క్ మిల్లేతో గురువారం భేటీ అయ్యారు. ప్రాంతీయ భద్రత సహా కీలక విషయాలపై చర్చలు జరిపారు. ఇరు దేశాల సైన్యాల శిక్షణ, అభ్యాసాల్లో సహకారం కొనసాగించాలని అంగీకారానికి వచ్చారు. సైన్యాల ఇంటరాపరబిలీటీ పెంచేందుకు మరిన్ని అవకాశాలను సృష్టించాలని నిర్ణయించారు. ఈ మేరకు మిల్లే కార్యాలయం అధికారిక ప్రకటన విడుదల చేసింది.
సాయుధ దళాల గౌరవ వేడుకలో పాల్గొనేందుకు వెళ్లిన సీడీఎస్ రావత్కు మిల్లే ఘన స్వాగతం పలికారు. ఈ పర్యటనలో భాగంగా ఓ అమెరికా అమర సైనికుడి సమాధికి రావత్ నివాళులు అర్పించారు. అనంతరం రావత్, మిల్లే అమెరికా రక్షణ విభాగం పెంటగాన్లో సమావేశమయ్యారు.
భారత్ అమెరికా రక్షణ భాగస్వామ్యంలో భాగంగా రెండు దేశాలు బలమైన సైనిక సంబంధాలను కలిగి ఉన్నాయని మిల్లే పేర్కొన్నారు.
పర్యటనలో భాగంగా బుధవారం వాషింగ్టన్లోని లుయిస్-మెక్కోర్డ్ జాయింట్ బేస్ను సందర్శించారు రావత్.
ఇదీ చూడండి: ఫ్రాన్స్ మాజీ అధ్యక్షుడికి ఏడాది జైలు శిక్ష!
