కోలీవుడ్ ప్రముఖ నటుడు విజయ్- టాలీవుడ్‌ దర్శకుడు వంశీ పైడిపల్లి కాంబినేషన్‌లో ఓ చిత్రం రూపొందుతున్న విషయం తెలిసిందే. #Thalapathy66 అనే వర్కింగ్‌ టైటిల్‌తో భారీ అంచనాల నడుమ ప్రారంభమైందీ చిత్రం. అప్పటి నుంచీ ఈ సినిమా టైటిల్ ఏంటి? ఇందులో విజయ్ ఎలా కనిపిస్తాడు? అంటూ అటు తమిళ, ఇటు తెలుగు ప్రేక్షకులు ఆసక్తిగా ఉన్నారు. జూన్‌ 22న విజయ్ పుట్టినరోజు సందర్భంగా చిత్ర బృందం తాజాగా ఆ రెండు కానుకలు అందించింది. శ్రీ వేంకటేశ్వర క్రియేషన్స్‌ పతాకంపై దిల్‌రాజు, శిరిష్‌ సంయుక్తంగా నిర్మిస్తున్న ఈ సినిమాకి 'వారిసు' (తమిళంలో వారసుడు) అనే పేరు ఖరారైంది.
ఈ పోస్టర్లో విజయ్.. సూటు, బూటు ధరించి బాస్‌ గెటప్పులో అందరినీ ఆకట్టుకునేలా ఉన్నారు. ఈ చిత్రంలో విజయ్ సరసన రష్మిక నటిస్తోంది. తమన్‌ సంగీత దర్శకుడిగా వ్యవహరిస్తున్న ఈ చిత్రం 2023 సంక్రాంతికి విడుదలకానుంది. విజయ్ నేరుగా తెలుగులో నటిస్తున్న చిత్రమిదే. ఆయన హీరోగా గతంలో తెరకెక్కిన 'తుపాకి', 'సర్కార్', 'విజిల్‌', 'మాస్టర్‌', 'బీస్ట్‌' తదితర చిత్రాలకు తెలుగులోనూ మంచి ఆదరణ దక్కింది.
'రక్షాబంధన్' ట్రైలర్: అక్షయ్ కుమార్, భూమి పెడ్నేకర్ కలిసి నటించిన సినిమా 'రక్షాబంధన్'. ఆనంద్ ఎల్ రాయ్ దర్శకుడు. మంగళవారం ఈ సినిమా ట్రైలర్ విడుదలై ఆకట్టుకుంటోంది. అన్నాచెల్లెల్ల అనుబంధం నేపథ్యంలో తెరకెక్కిన ఈ చిత్రం ఆగస్టు 11న విడుదలకానుంది.
- " class="align-text-top noRightClick twitterSection" data="">
