Arun Bali Passes Away: బాలీవుడ్ సీనియర్ నటుడు అరుణ్ బాలి(79) కన్నుమూశారు. దీర్ఘకాల అనారోగ్య సమస్యలతో బాధపడుతున్న ఆయన శుక్రవారం ఉదయం 4.30 గంటలకు తుదిశ్వాస విడిచినట్లు ఆయన కుటుంబసభ్యులు తెలిపారు. అరుణ్ బాలి మృతి పట్ల పలువురు ప్రముఖులు సంతాపం తెలుపుతున్నారు. అయితే ఆయన నటించిన చివరి సినిమా 'గుడ్ బై'.. శుక్రవారం ప్రేక్షకుల ముందుకు వచ్చింది. సినిమా రిలీజ్ రోజే ఆయన చనిపోవడం చాలా బాధాకరమని పలువురు నెటిజన్లు.. సోషల్మీడియాలో పోస్టులు పెడుతున్నారు.
1942లో పంజాబ్లోని జలంధర్లో అరుణ్ బాలి జన్మించారు. బాలీవుడ్లో అనేక సినిమాల్లో నటించారు. 3 ఇడియట్స్ (2009), పీకే (2014), ఎయిర్‌లిఫ్ట్ (2016), కేదార్‌నాథ్ (2018), పానిపట్ (2019) వంటి చిత్రాలలో నటించి తన నటనతో ఎంతో మంది అభిమానులను సంపాదించుకున్నారు. ఇటీవలే విడుదలైన 'లాల్సింగ్ చద్దా' సినిమాలో ఆయన కనిపించారు.
ఇవీ చదవండి: 'లైగర్' బ్యూటీపై ఆర్యన్ ఖాన్కు అంత కోపమా?
'ఆ స్టూడియోలో రికార్డ్‌ చేసిన తొలి ఇండియన్ మూవీ 'గాడ్ఫాదర్'.. ఛాన్స్ అందరికీ ఇవ్వరు!'
