కేజీఎఫ్ డైరెక్టర్ ప్రశాంత్ నీల్ తెరకెక్కిస్తున్న భారీ బడ్జెట్ ఫిల్మ్ 'సలార్'. పాన్ ఇండియా లెవెల్లో తెరకెక్కుతున్న ఈ సినిమా షూటింగ్ కొనసాగుతోంది. అయితే ఈ సినిమాలో ఆద్యగా నటిస్తున్న హీరోయిన్ శ్రుతి హాసన్ షూటింగ్లో భాగంగా తన షూట్ను విజయవంతంగా పూర్తి చేసుకున్నారు. ఈ సందర్భంగా మూవీ టీమ్కు ఇన్స్టాగ్రామ్ వేదికగా ఈ 'సలార్' తార.. సెట్లో తీసుకున్న ఓ ఫొటోను షేర్ చేసి కృతజ్ఞతలు తెలిపారు.
అందులో శ్రుతితో పాటు సలార్ డైరెక్టర్ ప్రశాంత్ నీల్, సినిమాటోగ్రాఫర్ భువన గౌడలు ఉన్నారు. "నన్ను మీ ఆద్యగా మార్చుకున్నందుకు ప్రశాంత్ నీల్‌కు థ్యాంక్స్.అలాగే డార్లింగ్‌ ప్రభాస్‌కు ధన్యవాదాలు. మీ అందరితో కలిసి ఈ ప్రత్యేకమైన చిత్రంలో పని చేయడం చాలా బాగుంది. చివరికి నిజంగా ఓ కుటుంబంలా అనిపించింది" అంటూ ఇన్స్టాలో పోస్ట్ కింద రాసుకొచ్చారు. ప్రస్తుతం ఈ ఫొటో నెట్టింట వైరల్గా మారింది.
కాగా పాన్ ఇండియా స్టార్ ప్రభాస్ కథానాయకుడిగా తెరకెక్కుతున్న ఈ సినిమాకు ప్రముఖ నిర్మాణ సంస్థ హొంబాలే ఫిల్మ్స్ నిర్మాణ బాధ్యతలు చేపట్టగా.. కేజీఎఫ్ డైరక్టర్ ప్రశాంత్ నీల్ దర్శకత్వం వహిస్తున్నారు. విన్నూత్నమైన యాక్షన్ థ్రిల్లర్గా తెరకెక్కుతున్న ఈ సినిమాలో ప్రభాస్, శ్రుతి హాసన్తో పాటు మలయాళ హీరో పృథ్వీ రాజ్ సుకుమారన్, జగపతి బాబు కీలక పాత్రలు పోషిస్తున్నారు. శరవేగంగా షూటింగ్ జరుగుతున్న ఈ సినిమా ఈ ఏడాది సెప్టెంబర్ 28న థియేటర్లలో సందడి చేయనుంది.
- " class="align-text-top noRightClick twitterSection" data="
">
