Ramayan 2023 Cast : 'ఆదిపురుష్' తర్వాత తెరపైకి ఎక్కనున్న మరో రామాయణం గురించి ఇప్పుడు నెట్టింట టాక్ నడుస్తోంది. బాలీవుడ్ దర్శకుడు నితేశ్ తివారీ ఈ భారీ ప్రాజెక్ట్ గురించి ప్రకటించినప్పుడు ఇందులో ఎవరెవరు నటించున్నారన్న విషయంపై అందరి ఆసక్తి నెలకొంది. ముఖ్యంగా రాముడు, సీత, రావణుడి పాత్రలో ఏయే తారలు కనిపించనున్నారంటూ మూవీ లవర్స్ నెట్టింట డిస్కషన్ కూడా మొదలెట్టారు. ఈ క్రమంలో బాలీవుడ్ కపుల్ ఆలియా భట్- రణ్బీర్ కపూర్ పేర్లు బాగా వినిపించాయి. అంతే కాకుండా కేజీయెఫ్ స్టార్ యశ్ పేరు కూడా వినిపించింది. దీంతో ఫ్యాన్స్ అందరూ ఈ కాంబోలో సినిమా పడితే సూపర్ హిట్ అంటూ ఆనందం వ్యక్తం చేశారు. రాముడిగా రణ్బీర్ కపూర్ను సీతగా ఆలియా భట్ను రావణుడిగా యశ్ను ఊహించుకున్నారు కూడా. కానీ తాజా సమాచారం ప్రకారం ఆలియా ఈ ప్రాజెక్టులో ఇప్పుడు భాగం కాదట. ఆమె స్థానంలో ఇప్పుడు సాయి పల్లవిని తీసుకున్నారట. ఈ క్రమంలో ప్రీ ప్రొడక్షన్ పనులను వేగవంతం చేసి ఇంకో రెండు నెలల్లో షూటింగ్ మొదలుపెట్టబోతున్నారట. అయితే ప్రాజెక్ట్ మొదట్లో సాయి పల్లవి పేరు వినపించినప్పటికీ.. ఆలియా తెరపైకి రావడం వల్ల.. సాయి పల్లవి ఇక ఈ ప్రాజెక్ట్లో లేనట్లే అని అందరూ భావించారు. కానీ ఇప్పుడు అనూహ్యంగా మళ్లీ సాయి పల్లవి పేరు వినిపించడం పట్లు ఫఅయాన్స్ ఆనందం వ్యక్తం చేస్తున్నారు. ఈ పాత్రకు ఆమె న్యాయం చేస్తారని అంటున్నారు.
Yash In Ramayan Movie : మరోవైపు రావణుడిగా హీరో యశ్ రోల్ విషయంలోనూ అనేక సందేహాలు మొదలయ్యాయి. మొదట్లో ఆయన పేరు కన్ఫామ్ అయినప్పటికీ.. ఆ తర్వాత ఆయన ఈ సినిమా చేస్తారా లేదా అన్న అనుమానాలు వ్యక్తమయ్యాయి. అయితే రావణాసురుడిగా నటించేందుకు తాజాగా ఆయన గ్రీన్ సిగ్నల్ ఇచ్చారట. ఫస్ట్ పార్ట్ కోసం పదిహేను రోజులు కాల్ షీట్స్ ఇచ్చారని.. రెండో భాగంలో ఎక్కువ డేట్స్ ఇచ్చేలా అంగీకారం కుదిరిందని టాక్ నడుస్తోంది. నితీశ్ తెరకెక్కిస్తున్న రామాయణంలో దశకంఠుడి ఎంట్రీని క్లైమాక్స్లో చూపించి.. ఆ తర్వాత తెరకెక్కనున్న సీక్వెల్లో యష్ మీద ఎక్కువ కథ నడిచేలా కథను రాసుకున్నట్టు వినికిడి. దీంతో ఈ విషయం ఓ మేర క్లారిటీ వచ్చింది. కానీ ఈ అప్డేట్లపై మూవీ టీమ్ అఫీషియల్ అనౌన్స్మెంట్ ఇచ్చేవరకు మనం ఏ విషయంపై అంచనా వేయలేమని ఫ్యాన్స్ భావిస్తున్నారు.
యశ్ యూ టర్న్.. రూ.1500కోట్ల ప్రాజెక్ట్ లుక్ టెస్ట్కు రెడీ!
