మెగా పవర్ స్టార్ రామ్చరణ్ మరో క్రేజీ ప్రాజెక్టుకు రెడీ అయ్యారు. ప్రస్తుతం దిగ్గజ దర్శకుడు శంకర్ తెరకెక్కిస్తున్న ఆర్సీ 15లో నటిస్తున్న రామ్చరణ్.. యువ దర్శకుడు బుచ్చిబాబుతో కుడా ఓ ప్రాజెక్టుకు ఓకే చెప్పారు. తాజాగా మరో కథకు గ్రీన్ సిగ్నల్ ఇచ్చారట. కన్నడ ఇండస్ట్రీలో 'మఫ్టీ' లాంటి హిట్ సినిమా తెరకెక్కించిన దర్శకుదడు నర్తన్ కథకు ఓకే చెప్పారట. నర్తన్.. రామ్ చరణ్తో ఓ భారీ సినిమా తెరకెక్కించబోతున్నట్లు సమాచారం. ప్రస్తుతం ఈ సినిమా స్క్రిప్టు పని నడుస్తోందని టాక్ వినిపిస్తోంది. త్వరలోనే ఈ ప్రాజెక్టును అధికారికంగా ప్రకటించే అవకాశాలున్నాయి. ఈ మేరకు కొన్ని వార్తలు చక్కర్లు కొడుతున్నాయి.
ప్రభాస్తో లెక్కల మాస్టర్..
పాన్ ఇండియా స్టార్ ప్రభాస్ వరుస సినిమాలతో దూసుకెళ్తున్నారు. బాలీవుడ్ దర్శకుడు ఓం రౌత్ తెరకెక్కిస్తున్న ఆదిపురుష్ సినిమాను పూర్తి చేశారు. కేజీఎఫ్ లాంటి హిట్ చిత్రాలు అందించిన ప్రశాంత్ నీల్ దర్శకత్వంలో ప్రభాస్ నటిస్తున్న.. సలార్ చిత్రీకరణ కూడా వేగంగా జరుగుతోంది. కాగా, రెబల్ స్టార్.. మారుతి దర్శకత్వంలో రాజాడీలక్స్ అనే సినిమా చేస్తున్నారు.
ఇక డైరెక్టర్ నాగ్ అశ్విన్ దర్శకత్వంలో దాదాపు రూ. 500 కోట్ల బారీ బడ్జెట్తో తెరకెక్కుతున్న ప్రాజెక్ట్ కేలో నటిస్తున్నారు. వీటితో పాటు ప్రభాస్ మరో సినిమాకు కూడా రెడీ అయినట్లు తెలుస్తోంది. టాలీవుడ్ సెన్సేషనల్ డైరెక్టర్ సుకుమార్తో ఓ సినిమా చేయనున్నట్లు సమాచారం. ప్రభాస్కు.. సుకుమార్ ఇప్పటికే ఓ కథను కూడా వినిపించినట్లు టాక్ నడుస్తోంది. ప్రభాస్ కూడా ఫుల్ స్క్రిప్ట్ రెడీ చేయమన్నట్లు సమాచారం. ప్రస్తుతం సుకుమార్.. పుష్ప2 షూటింగ్లో బిజీగా ఉన్నారు. ఆ తర్వాత రామ్ చరణ్తో మరొక చిత్రం చేయనున్నారు. అయితే ఈ విషయాన్ని చిత్రబృందం మాత్రం అధికారికంగా ప్రకటించలేదు.
