Prabhas Marriage : టాలీవుడ్‌ మోస్ట్ ఎలిజిబుల్ బ్యాచిల‌ర్ అంటే టక్కున గుర్తొచ్చే పేరు పాన్ ఇండియా స్టార్ ప్రభాస్. ఆయన పెళ్లి గురించి ఎన్ని వార్త‌లు, ఇంకెన్ని పుకార్లు వస్తుంటాయి. అప్పటికే పలు సందర్భాల్లో దానిపై స్పందించిన ఆయన.. కొంతకాలం నుంచి ఈ విషయంపై చాలా సైలెంట్గా ఉన్నారు. ఆ మధ్యలో ప్రభాస్.. ఆదిపురష్ సినిమా హీరోయిన్ కృతిసనన్తో ప్రేమలో ఉన్నట్లు ప్రచారం కూడా సాగింది. కానీ అది అవాస్తమని ఆ తర్వాత తెలిసింది. అయితే ఎట్టకేలకు తన పెళ్లి గురించి ఆదిపురుష్ ప్రీ రిలీజ్ ఈవెంట్లో మాట్లాడారు ప్రభాస్. తన అభిమానులకు కాస్త హింట్ ఇచ్చారు. పెళ్లంటూ చేసుకొంటే.. తిరుపతిలోనే చేసుకుంటా అని తెలిపారు.
Adipurush pre release event : "ఏడు నెలల క్రితం నా అభిమానులకు త్రీడీలో టీజర్‌ను చూపించాలని దర్శకుడిని అడిగాను. వాళ్లు ఇచ్చిన ప్రోత్సాహంతోనే ఈ టీమ్ ముందుకు సాగింది. ట్రైలర్‌ను కూడా మళ్లీ ఫ్యాన్స్కు చూపించాలని కోరాను. వాళ్లే నా బలం. ఈ మూవీ కోసం డైరెక్టర్, ప్రొడ్యూసర్స్, టెక్నికల్ టీమ్ ఎనిమిది నెలల పాటు యుద్ధం చేసింది. ఒక్కొక్కరు రోజుకి 20 గంటల పాటు శ్రమించారు. ఇది సినిమా కాదు.. మా అదృష్టం. మెగాస్టార్ చిరంజీవి సర్‌ను కలిసినప్పుడు 'రామాయణం చేస్తున్నావా?' అని అడిగారు. అవుననగానే 'అది అందరికీ దొరికే అవకాశం కాదు, నీకు దొరికింది. నిజంగా నీ అదృష్టం' అన్నారు. ఇలాంటి చిత్రం తెరకెక్కించేటప్పుడు కష్టాలు చాలా ఎక్కువగా ఉంటాయి. అలానే ఈ మూవీకీ ఫస్ట్ నుంచి కష్టాలొచ్చాయి. ఓం రాక్‌స్టార్‌లా కష్టపడ్డారు. 20 ఏళ్ల కాలంలో ఇంత కష్టపడిన డైరెక్టర్ మరొకరిని నేను చూడలేదు. చినజీయర్‌ స్వామి గారికి ప్రత్యేకంగా కృతజ్ఞతలు. ఆయన రాకతో ఈ ఈవెంట్కు మంచి ప్రాధాన్యత వచ్చింది. నిర్మాత భూషణ్‌కు ఈ సినిమా ఓ ఎమోషనల్. ఏ సినిమాకీ కష్టపడనంతగా కష్టపడ్డారు. జానకి పాత్రలో కళ్లల్లో నీళ్లు పెట్టుకున్న ఒక్క పోస్టర్‌తోనే.. కృతిసనన్ అందరి దృష్టిని ఆకర్షించింది. మంచిగా పేరున్న, మంచి అమ్మాయే హీరోయిన్గా కావాలని కృతిని సెలెక్ట్ చేసుకున్నాం. హనుమంతుడు, లక్ష్మణుడగా కనిపించిన దేవ్‌దత్‌, సన్నీలతో కలిసి నటిస్తున్నప్పుడు తెలియని ఓ కొత్త ఎమోషనల్గా ఫీలయ్యాను. ఇకపై ఎక్కువ సినిమాలు చేస్తాను. ఒక్క ఏడాదిలో రెండు నుంచి మూడు సినిమాలు కూడా రావొచ్చు. తక్కువ మాట్లాడి ఎక్కువ సినిమాలు చేస్తాను" అని ప్రభాస్ అన్నారు. ఇక పెళ్లి గురించి అభిమానులు అడగగా... "ఎప్పుడైనా తిరుపతిలోనే చేసుకుంటాను" అని సమాధానమిచ్చారు.
- " class="align-text-top noRightClick twitterSection" data="">
ఇదీ చూడండి :
ADIPURUSH TRAILER : 'ఆదిపురుష్'.. ఓ భావోద్వేగం.. యాక్షన్ ట్రైలర్ వచ్చేసిందోచ్..
Prabhas Adipurush : పంచెకట్టులో ప్రభాస్.. శ్రీవారిని దర్శించుకున్న ఆదిపురుష్ 'రాఘవుడు' !
