Payal Rajput Mangalavaaram Movie Song : రొమాంటిక్ లవ్ స్టోరీ 'RX 100'తో యూత్ ఆడియెన్స్ను మెప్పించిన దర్శకుడు అజయ్ భూపతి ఆ తర్వాత యాక్షన్ అండ్ ఎమోషన్ మూవీ 'మహా సముద్రం'తో ఆడియెన్స్ ముందుకు వచ్చారు. కానీ అది ప్రేక్షకులను ఆకట్టుకోలేకపోయింది. దీంతో ఈ సారి ఎలాగైనా హిట్ కొట్టాలని గట్టిగా ప్రయత్నిస్తున్న ఆయన.. ఈ సారి హారర్ థ్రిల్లర్ జానర్తో రానున్నారు. తనకు తొలి సక్సెస్ను అందించిన 'RX 100' బ్యూటీ పాయల్ రాజ్పుత్తోనే ఈ సినిమా చేశారు.
ఇప్పటికే విడుదలై ఈ సినిమా టీజర్ మంచి ఉత్కంఠకు గురి చేసింది. తాజాగా 'గణ గణ మోగాలిరా'(Ganagana Mogalira song) అనే లిరికల్ వీడియో సాంగును రిలీజ్ చేశారు మేకర్స్. 'అమ్మా హారతి అందుకో .. మమ్ము ఆదుకో, పూజలందుకో .. పుణ్యమిచ్చుకో..' అంటూ సాగిన ఈ పాట.. అమ్మవారి జాతర నేపథ్యంలో ఎంతో పవర్ఫుల్గా సాగింది. ఈ సాంగ్కు అజనీశ్ లోక్ నాథ్ అందించిన సంగీతం హైలైట్గా నిలిచింది. దీనికి లిరిక్స్ భాస్కర భట్ల అందించారు. మహాలింగం ఆలపించారు. అజయ్ ఘోష్ కీలక పాత్ర పోషించిన ఈ చిత్రం త్వరలోనే ప్రేక్షకుల ముందుకు రానుంది.
- " class="align-text-top noRightClick twitterSection" data="">
అజనీశ్ లోక్నాథ్ - భాస్కర భట్ల కాంబోలోనే.. మరో పది రోజుల్లో.. కన్నడలో సెన్సేషనల్ హిట్ 'హాస్టల్‌ 'హుడుగురు బేకాగిద్దరే'(hudugaru bekagiddare release date) సినిమా ఇక్కడ 'బాయ్స్‌ హాస్టల్‌' పేరుతో రానుంది. ఈ క్రమంలోనే.. ఈ సినిమా నుంచి 'ప్రొటెస్ట్' అనే సాంగ్ను రిలీజ్ చేశారు మేకర్స్(boys hostel protest song release). ఈ సాంగ్కు భాస్కర భట్ల లిరిక్స్ అందించగా.. అజనీశ్ లోక్నాథ్ మ్యూజిక్ అందించారు. ఈ పాట ఆద్యంతం లిరిక్స్, బ్యాక్గ్రౌండ్ మ్యూజిక్, అందులోని సన్నివేశాలతో ఆకట్టుకుంటోంది. 'ఫిజిక్స్ పేపర్లో కెమిస్ట్రీ రాసేసి.. తలమీద బరువంత దిగిపోద్ది అనుకుంటే..' అంటూ సాగిన ఈ లిరిక్స్కు అజనీశ్ లోక్నాథ్ అందించిన మ్యూజిక్ హైలైట్గా నిలిచింది. సాయి చరణ్ ఆలపించారు. క్రైమ్‌, కామెడీ నేపథ్యంలో రూపొందిన ఈ సినిమాను అన్నపూర్ణా స్టూడియోస్‌, ఛాయ్‌ బిస్కెట్‌ సంయుక్తంగా కలిసి ఆగస్టు 26న రిలీజ్ చేస్తున్నాయి. ఈ సినిమాలో స్టార్‌ యాక్టర్స్ కాంతార ఫేమ్ రిషబ్‌ శెట్టి, రమ్య, దర్శకుడు పవన్‌కుమార్‌ అతిథి పాత్రల్లో సందడి చేశారు.
- " class="align-text-top noRightClick twitterSection" data="">
